ກະຊວງພາຍໃນ

Ministry of Home Affairs

ເອກອັກຄະລັດຖະທູດແຫ່ງຣາຊະອານາຈັກໄທ ປະຈໍາ ສປປ ລາວ ເຂົ້າຢ້ຽມຂໍ່ານັບທ່ານລັດຖະມົນຕີກະຊວງພາຍໃນ

ເພື່ອເປັນການຮັດແໜ້ນຄວາມສາມັກຄີ ແລະ ເສີມຂະຫຍາຍສາຍພົວພັນມິດຕະພາບ ລະຫວ່າງສອງຊາດ  ລາວ-ໄທ ໃນວັນທີ 17 ມີຖຸນາ 2019 ທ່ານ ກຽດຕິຄຸນ ຊາດປະເສີດ ເອກອັກຄະລັດຖະທູດແຫ່ງຣາຊະອານາຈັກໄທ ປະຈໍາ ສປປ ລາວ ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບທ່ານ ຄໍາໝັ້ນ ສູນວິເລີດ ລັດຖະມົນຕີກະຊວງພາຍໃນ ເພື່ອລາຍງານກ່ຽວກັບການຮ່ວມມືກັນລະຫວ່າງ ສະຖາບັນຄົ້ນຄວ້າວິທະຍາສາດການປົກຄອງ ແລະ ຝຶກອົບຮົມ ຂອງກະຊວງພາຍໃນ ແລະ ສະຖາບັນຝຶກອົບຮົມລັດຖະກອນ ຂອງຄະນະກໍາມະການຂ້າຣາຊະການພົນລະເຮືອນ (ກພ)ແຫ່ງຣາຊະອານາຈັກໄທ.

ທ່ານ ກຽດຕິຄຸນ ຊາດປະເສີດ ເອກອັກຄະລັດຖະທູດແຫ່ງຣາຊະອານາຈັກໄທ ປະຈໍາ ສປປ ລາວ ໄດ້ລາຍງານໃຫ້ທ່ານລັດຖະມົນຕີກະຊວງພາຍໃນຊາບກ່ຽວກັບການຮ່ວມມືເພື່ອພັດທະນາບຸກຄະລາກອນຂອງທັງສອງຝ່າຍ ເຊິ່ງໄດ້ຮ່ວມມືກັນໃນຫຼາຍດ້ານເຊັ່ນ: ດ້ານການເມືອງ ແລະ ຄວາມໝັ່ນຄົງ, ດ້ານເສດຖະກິດ, ດ້ານວັດທະນາທໍາ ແລະ ສັງຄົມ, ດ້ານການທ່ອງທ່ຽວ ແລະ ກິລາ, ດ້ານການຮ່ວມມືເພື່ອພັດທະນາບຸກຄະລາກອນ ແລະ ອື່ນໆ.            ໃນໂອກາດນີ້, ຄະນະຂອງສະຖາບັນຝຶກອົບຮົມລັດຖະກອນ ກພ ຍັງໄດ້ຮ່ວມເຮັດວຽກກັບສະຖາບັນຄົ້ນຄວ້າວິທະຍາສາດການປົກຄອງ ແລະ ຝຶກອົບຮົມ ຂອງກະຊວງພາຍໃນ ເພື່ອປຶກສາຫາລືກັນກ່ຽວກັບແນວທາງການຮ່ວມມື, ໄລຍະເວລາການຮ່ວມມື, ການວາງແຜນ ແລະ ທິດທາງໃນການຈັດຕັ້ງປະຕິບັດ.

Leave a Reply

Your email address will not be published. Required fields are marked *