ກະຊວງພາຍໃນ

Ministry of Home Affairs

ທ່ານ ລັດຖະມົນຕີ ກະຊວງພາຍໃນ ຕ້ອນຮັບການເຂົ້າຢ້ຽມ ຂໍ່ານັບຂອງ ທ່ານ ເອກອັກຄະລັດຖະທູດແຫ່ງສາທາລະນະລັດ ອິນເດຍປະຈຳ ສປປ ລາວ

ໃນຕອນເຊົ້າຂອງວັນທີ 18 ກໍລະກົດ 2019 ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ ຕ້ອນຮັບການເຂົ້າຢ໋ຽມຂໍ່ານັບ ຂອງ ທ່ານ Dinkar Asthana ເອກອັກຄະລັດຖະທູດແຫ່ງ ສາທາລະນະລັດ ອິນເດຍ ຄົນໃໝ່ ປະຈຳ ສປປ ລາວ, ໃນໂອກາດນີ້ ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ ໄດ້ສະແດງການຕ້ອນຮັບຢ່າງອົບອຸ່ນ ແລະ ຍ້ອງຍໍຊົມເຊີຍ ຕໍ່ ທ່ານ Dinkar Asthana ທີ່ໄດ້ຮັບການແຕ່ງຕັ້ງໃຫ້ມາດຳລົງຕໍ່າແໜ່ງເປັນເອກອັກຄະລັດຖະທູດແຫ່ງ ສາທາລະນະລັດ ອິນເດຍ ມາ ປະຈຳ ສປປ ລາວ, ເຊິ່ງເປັນກາລະໂອກາດທີ່ມີຄຸນຄ່າ ແລະ ມີຄວາມສຳຄັນ ໃນການສືບຕໍ່ເສີມຂະຫຍາຍສາຍພົວພັນຮ່ວມມືອັນດີງາມ ລະຫວ່າງ ສອງປະເທດ ສປປ ລາວ ແລະ ສາທາລະນະລັດ ອິນເດຍ ໃຫ້ແໜ້ນແຟ້ນ ແລະ ພັດທະນາຍິ່ງຂຶ້ນ  ພ້ອມດຽວກັນນິ້  ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ ໍກໍ່ໄດ້ກ່າວສະແດງຄວາມຂອບໃຈຕໍ່ ທຸກການສະໜັບສະໜູນຊ່ວຍເຫຼືອ ຂອງ ລັດຖະບານ ສາທາລະນະລັດ ອິນເດຍ ຕໍ່ ສປປ ລາວ ເວົ້າລວມ ເວົ້າສະເພາະກໍ່ຄ່ື ກະຊວງພ່າຍໃນ ໃນໄລຍະຜ່ານມາ ແລະ ໃຫ້ສືບຕໍ່ການສະໜັບສະໜຸນຊຸກຍູ້ຊ່ວຍເຫຼືອ ໃນຂົງເຂດວຽກງານຕ່າງໆ ໃຫ້ນັບມື້ນັບກວ້າງຂວາງຂຶ້ນ ເພື່ອຍົກລະດັບຄວາມຮູ້ຄວາມສາມາດດ້ານວິຊາສະເພາະ ຂອງພະນັກງານ-ລັດຖະກອນ ສປປ ລາວ ໃຫ້ມີຄວາມເຂັ້ມແຂງ ແລະ ກ້າວໜ້າຂື້ນເລື້ອຍໆ. ນອກຈາກນັ້ນ ທ່ານ Dinkar Asthana ເອກອັກຄະລັດຖະທູດແຫ່ງ ສາທາລະນະລັດ ອິນເດຍ ຄົນໃໝ່ ປະຈຳ ສປປ ລາວ ກໍ່ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ  ພ້ອມທັງຈະພະຍາຍາມຢ່າງສຸດຄວາມສາມາດຂອງຕົນ ເພື່ອປະກອບສ່ວນເຂົ້າໃນການເສີມຂະຫຍາຍສາຍພົວພັນຮ່ວມມື ມິດຕະພາບລະຫວ່າງສອງປະເທດໃຫ້ ແໜ້ນແຟ້ນຍິ່ງໆຂຶ້ນ ແລະ ພ້ອມທັງສືບຕໍ່ສະໜັບສະໜູນຊ່ວຍເຫຼືອໃນຂົງເຂດວຽກງານຕ່າງໆ  ໂດຍສະເພາະວຽກງານລັດຖະກອນ ໃຫ້ໄດ້ຮັບການພັດທະນາຢ່າງເຂັ້ມແຂງ ແລະ ກວ້າງຂວງຂື້ນກວ່າເກົ່າ.

Leave a Reply

Your email address will not be published. Required fields are marked *