ກະຊວງພາຍໃນ

Ministry of Home Affairs

ກອງປະຊຸມຊຸກຍູ້ຂະບວນການແຂ່ງຂັນ ຮັກຊາດ ແລະ ພັດທະນາ ຂອງພາກທຸລະກິດເຂົ້າສູ່ເມືອງນາຊາຍທອງ ແລະ ເມືອງຫາດຊາຍຟອງ

ກອງປະຊຸມຊຸຍູ້ຂະບວນການ ຮັກຊາດ ແລະ ພັດທະນາຂອງພາກທຸລະກິດເຂົ້າສູ່ເມືອງນາຊາຍທອງ ແລະ ເມືອງຫາດຊາຍຟອງ ໄດ້ຈັດຂຶ້ນໃນວັນທີ 29 ພະຈິກ 2019 ທີ່ນະຄອນຫຼວງວຽງຈັນ ໂດຍການເປັນປະທານຮ່ວມຂອງທ່ານ ອາດສະພັງທອງ ສີພັນດອນ ຮອງເຈົ້າຄອງນະຄອນຫຼວງວຽງຈັນ, ທ່ານ ວິລະສັກ ນາມມຸນຕີ ເຈົ້າເມືອງນາຊາຍທອງ ແລະ ທ່ານ ວົງເດືອນ ບຸນຍະແສງ ເຈົ້າເມືອງຫາດຊາຍຟອງ ເຂົ້າຮ່ວມມີຫົວໜ້າພະແນກ, ຮອງຫົວໜ້າພະແນກພາຍໃນນະຄອນຫຼວງ, ຮອງເຈົ້າເມືອງ ແລະ ບັນດານັກທຸລະກິດທີ່ປະກອບການຢູ່ໃນສອງເມືອງເຂົ້າຮ່ວມ.

          ກອງປະຊຸມຄັ້ງນີ້ ເພື່ອສຶກສາຄວາມເປັນໄປໄດ້ ແລະ ປຶກສາຫາລືກ່ຽວກັບການພັດທະນາໃນຂົງເຂດຕ່າງໆຂອງເມືອງນາຊາຍທອງ ແລະ ເມືອງຫາດຊາຍຟອງ ໄລະຍະຜ່ານມາ ຜູ້ປະກອບການຕ່າງໆໃນ ໄດ້ປະກອບສ່ວນພັດທະນານະຄອນຫຼວງວຽງຈັນ ໂດຍຖືເອົາຂະບວນການແຂ່ງຂັນ ຮັກຊາດ ແລະ ພັດທະນາ ເຊິ່ງຂະບວນການດັ່ງກ່າວໄດ້ຈັດຕັ້ງປະຕິບັດມາແຕ່ປີ 2017 ແລະ ຈັດຕັ້ງປະຕິບັດຢູ່ 3 ເມືອງຄື: ເມືອງສັງທອງ, ເມືອງປາກງື່ມ ແລະ ເມືອງໄຊທານີ. ສໍາລັບປີ 2019 ນີ້ ຈຶ່ງໄດ້ເປີດຂະບວນເຂົ້າສູ່ສອງເມືອງ, ດັ່ງນັ້ນ ເພື່ອເຮັດໃຫ້ຄາດໝາຍສູ້ຊົນຂອງ ນະຄອນຫຼວງວຽງຈັນໃຫ້ບັນລຸຜົນສຳເລັດ ໂດຍສະເພາະ 6 ບຸກທະລຸ 18 ຄາດໝາຍທີ່ ນະຄອນຫຼວງວຽງຈັນວາງອອກ, ໃນກອງປະຊຸມບັນດານັກທຸລະກິດໄດ້ລາຍງານສະພາບການເຄື່ອນໄຫວຈັດຕັ້ງປະຕິບັດວຽກງານຜົນສໍາເລັດກ່ຽວກັບຂໍ້ສະດວກ ແລະ ຂໍ້ຫຍຸ້ງຍາກໃນການດໍາເນີນທຸລະກິດຂອງຕົນໃຫ້ຜູ້ແທນທີ່ເຂົ້າຮ່ວມກອງປະຊຸມໄດ້ຮັບຊາບ.

          ໂອກາດເຂົ້າຮ່ວມກອງປະຊຸມທ່ານ ອາດສະພັງທອງ ສີພັນດອນ ໄດ້ມີຄໍາເຫັນຕໍ່ກອງປະຊຸມ ໂດຍທ່ານໄດ້ຍົກໃຫ້ເຫັນ ການຈັດຕັ້ງປະຕິບັດວຽກງານ “ແຂ່ງຂັນຮັກຊາດ ແລະ ພັດທະນາພັດທະນາ” ຕິດພັນກັບຮັກນະຄອນຫຼວງວຽງຈັນ ໃນໄລຍະຜ່ານມາຍັງບໍ່ທັນຄົງຕົວເທົ່າທີ່ຄວນໂດຍສະເພາະການຈັດສັນຄວາມເປັນລະບຽບຮຽບຮ້ອຍ ການຈັດຕັ້ງປະຕິບັດ 3 ຫຼຸດ 3 ເພີ່ມ ແລະ 3 ຂະບວນການທີ່ກອງປະຊຸມໃຫຍ່ 3 ຂັ້ນ ຂອງ ນວ ໄດ້ກໍານົດ ຍັງບໍ່ທັນເປັນແຜນງານຢ່າງຈະແຈ້ງ, ການຊຸກຍູ້ຕິດຕາມກວດກາ, ການແກ້ໄຂບັນຫາການປະຕິບັດແຜນງົບປະມານ ໂດຍສະເພາະຂັ້ນເມືອງ ຍັງມີຄວາມສ່ຽງເປັນຕົ້ນການຂຸດຄົ້ນທ່າແຮງບົ່ມຊ້ອນ ການປະຕີບັດແຜນພັດທະນາເສດຖະກິດ-ສັງຄົມ, ການຈັດຕັ້ງປະຕິບັດກົດໝາຍ ນິຕິກໍາຕ່າງໆ, ຄວາມເປັນເຈົ້າການໃນການປະສານງານຂະແໜງການຂອງເມືອງຍັງບໍ່ໄດ້ດີ. ສະນັ້ນ ເພື່ອແກ້ໄຂບັນຫາຄົງຄ້າງດັ່ງກ່າວ ນະຄອນຫຼວງວຽງ ຈະພ້ອມກັນເອົາໃຈໃສ່ໃນການຊຸກຍູ້, ຕິດຕາມ ແລະ ກວດກາການຈັດຕັ້ງປະຕິບັດຂະບວນການຮັກຊາດພັດທະນາ, ຄວາມຮັບຜິດຊອບຕໍ່ໜ້າທີ່ການເມືອງທີ່ກຳນົດໄວ້ໃຫ້ດີຂຶ້ນກວ່າເກົ່າ.

Hits: 176

Leave a Reply

Your email address will not be published. Required fields are marked *