ກະຊວງພາຍໃນ

Ministry of Home Affairs

ພະນັກງານ-ລັດຖະກອນ ແຂວງຫຼວງນໍ້າທາ ໄດ້ຮັບ ບັດພະນັກງານລັດຖະກອນ

ວັນທີ 27-28 ກຸມພາ 2020 ນີ້ ຢູ່ສະໂມສອນວິທະຍາໄລຄູ ຫຼວງນໍ້າທາ ແຂວງຫຼວງນໍ້າທາ ໄດ້ຈັດພິທີມອບ ບັດພະນັກງານ-ລັດຖະກອນ ຂຶ້ນ ໂດຍມີ ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ ແລະ ທ່ານ ເພັດຖາວອນ ພິລະວັນ ເຈົ້າແຂວງໆຫຼວງນໍ້າທາ ເຂົ້າຮ່ວມເປັນປະທານ ແລະ ມີຫົວໜ້າກົມຄຸ້ມຄອງລັດຖະກອນ ກະຊວງພາຍໃນ,  ບັນດາພະແນກການ ແລະ ອົງການທຽບເທົ່າຂັ້ນແຂວງ ເຂົ້າຮ່ວມ.

ການອອກບັດພະນັກງານ-ລັດຖະກອນ ເປັນການຢັ້ງຢືນ ແລະ  ກວດກາຄືນຈຳນວນພົນຜູ້ທີ່ມີໜ້າ ຫລື ບໍ່ມີໜ້າຕົວຈິງ ຂອງພະນັກງານ-ລັດຖະກອນ ທີ່ສັງກັດຢູ່ບັນດາກະຊວງ,  ອົງການຂັ້ນສູນກາງ ແລະ ອົງການປົກຄອງຂັ້ນທ້ອງຖິ່ນ, ເປັນການປັບປຸງຂໍ້ມູນປະຫວັດລັດຖະກອນໃຫ້ຖືກຕ້ອງ,  ສອດຄ່ອງກັບລະບຽບ-ກົດໝາຍ ແລະ ໃຫ້ມີຄວາມເປັນທັນສະໄໝ ໃນການຄຸ້ມຄອງພະນັກງານ-ລັດຖະກອນ ຂອງ ສປປ ລາວ, ທັງເປັນການ ສ້າງເງື່ອນໄຂໃຫ້ການເບີກຈ່າຍເງິນເດືອນ,  ເງິນອຸດຫນູນ ແລະ ເງິນນະໂຍບາຍຕ່າງໆ ມີຄວາມສະດວກ ແລະ ຄວາມເປັນເອກະພາບ  ໃນການຈັດຕັ້ງປະຕິບັດໃນຂອບເຂດທົ່ວປະເທດ.

ການອອກບັດໃຫ້ພະນັກງານ-ລັດຖະກອນ ຂອງພະແນກການ ແລະ ອົງການທຽບເທົ່າຂັ້ນແຂວງ ຂອງແຂວງຫຼວງນໍ້າທາ ຄັ້ງນີ້ມີຈໍານວນທັງໝົດ 1.118 ບັດ

Hits: 56

Leave a Reply

Your email address will not be published. Required fields are marked *