ກະຊວງພາຍໃນ

Ministry of Home Affairs

ກອງປະຊຸມໃຫ່ຍ ຄັ້ງທີ II ຂອງໜ່ວຍພັກກົມຈັດຕັ້ງ ແລະ ພະນັກງານ ກະຊວງພາຍໃນ

ໃນຕອນເຊົ້າຂອງວັນ 05 ກຸມພາ 2020 ທີ່ ກະຊວງພາຍໃນ ໜ່ວຍພັກກົມຈັດຕັ້ງ ແລະ ພະນັກງານ ໄດ້ຈັດກອງປະຊຸມໃຫ່ຍ ຄັ້ງທີ II ຂອງຕົນຂຶ້ນ ໂດຍໃຫ້ກຽດເຂົ້າຮ່ວມ ຂອງ ສະຫາຍ ຄຳໝັ້ນ ສູນວິເລີດ ເລຂາຄະນະພັກກະຊວງ ລັດຖະມົນຕີກະຊວງພາຍໃນ, ມີ ສະຫາຍ ບຸນຍົງ ສີສຸພັນ ເລຂາໜ່ວຍພັກກົມຈັດຕັ້ງ ແລະ ພະນັກງານ, ຫົວໜ້າກົມຈັດຕັ້ງ ແລະ ພະນັກງານ ກະຊວງພາຍໃນ ພ້ອມດ້ວຍ ບັນດາສະຫາຍໃນຄະນະພັກກະຊວງ, ບັນດາສະຫາຍເລຂາ-ຮອງເລຂາໜ່ວຍພັກຮາກຖານ ແລະ ສະຊິກພັກສົມບູນ-ສຳຮອງຂອງພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມຄັ້ງນີ້  ສະຫາຍ ບຸນຍົງ ສີສຸພັນ ເລຂາໜ່ວຍພັກກົມຈັດຕັ້ງ ແລະ ພະນັກງານ, ຫົວໜ້າກົມຈັດຕັ້ງ ແລະ ພະນັກງານ ກະຊວງພາຍໃນ ໄດ້ຜ່ານບົດສຳຫຼວດການນຳພາລວມ ແລະ ບົດລາຍງານການເມືອງຂອງໜ່ວຍພັກກົມຈັດຕັ້ງ ແລະ ພະນັກງານ ໃນໄລຍະຜ່ານມາ ເຊິ່ງທ່ານໄດ້ຍົກໃຫ້ເຫັນເຖິງ ສະພາບການນຳພາລວມຂອງຄະນະໜ່ວຍພັກ, ຜົນງານທີ່ພົ້ນເດັ່ນ ຂໍ້ສະດວກ ແລະ ຂໍ້ຄົງຄ້າງ ໃນການເຄື່ອນໄຫວຊີ້ນໍານຳພາໃນໄລຍະ 5 ປີຜ່ານມາ ແລະ ທິດທາງແຜນການຊີ້ນໍານໍາພາໃນໄລຍະ 5 ປີຕໍ່ໜ້າ. ພ້ອມກັນນັ້ນ ກອງປະຊຸມ ຍັງໄດ້ພ້ອມກັນປ່ອນບັດຄັດເລືອກເອົາຄະນະໜ່ວຍພັກກົມຈັດຕັ້ງ ແລະ ພະນັກງານ ກະຊວງພາຍໃນ ຊຸດໃໝ່ ຈຳນວນ 03 ສະຫາຍ ໂດຍກອງປະຊຸມໄດ້ເຫັນດີເປັນເອກະພາບເລືຶອກເອົາ ສະຫາຍ  ສະຫາຍ ບຸນຍົງ ສີສຸພັນ ເປັນເລຂາຄະນະໜ່ວຍພັກ ກົມຈັດຕັ້ງ ແລະ ພະນັກງານ ກະຊວງພາຍໃນ, ສະຫາຍ ນ. ກັນຍາ ແສງແກ້ວວົງພະຈັນ ເປັນຮອງເລຂາ ແລະ ສະຫາຍ ສຸດທະພອນ ອັກຄະວົງ  ເປັນຜູ້ກວດກາໜ່ວຍພັກ.

Hits: 80

Leave a Reply

Your email address will not be published. Required fields are marked *