ກະຊວງພາຍໃນ

Ministry of Home Affairs

ລັດຖະມົນຕີກະຊວງພາຍໃນ ຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານເອກອັກຄະລັດຖະທູດ ແຫ່ງ ສະຫະລັດອາເມລິກາ ປະຈຳ ສປປ ລາວ

ໃນຕອນບ່າຍຂອງວັນ 06 ມີນາ  2020 ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ Dr. Peter M.Haymond, ເອກອັກຄະລັດຖະທູດ ແຫ່ງ ສະຫະລັດອາເມລິກາ ຄົນ ໃໝ່ ປະຈຳ ສປປ ລາວ.

ໃນໂອກາດນີ້ ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ ໄດ້ຍ້ອງຍໍຊົມເຊີຍ ແລະ ຍິນດີ ຕໍ່ ທ່ານ Dr. Peter M.Haymond ທີ່ໄດ້ຮັບການແຕ່ງຕັ້ງ ໃຫ້ມາດຳລົງຕໍາແໜ່ງ ເປັນເອກອັກຄະລັດຖະທູດ ແຫ່ງ ສະຫະລັດອາເມລິກາ ຄົນໃໝ່ ປະຈຳ ສປປ ລາວ ເຊິ່ງເປັນໂອກາດອັນດີ ເພື່ອສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຂອງສອງປະເທດ ລາວ-ສະຫະລັດອາເມລິກາ ໃຫ້ແໜ້ນແຟ້ນຍິ່ງຂຶ້ນ ແລະ  ພ້ອມດຽວກັນນີ້ ທ່ານ Dr. Peter M.Haymond, ເອກອັກຄະລັດຖະທູດ ແຫ່ງ ສະຫະລັດອາເມລິກາ ຄົນໃໝ່ ປະຈຳ ສປປ ລາວ ກໍ່ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ພ້ອມທັງໃຫ້ຄຳສັນຍາ ຈະພະຍາຍາມຢ່າງສຸດຄວາມສາມາດຂອງຕົນ ເພື່ອປະກອບສ່ວນເຂົ້າໃນການສືບຕໍ່ເສີມຂະຫຍາຍສາຍພົວພັນມິດຕະພາບທີ່ດີງາມ ຂອງ ທັງສອງປະເທດ ໃຫ້ນັບມື້ນັບກວ້າງຂວາງ.

Hits: 22

Leave a Reply

Your email address will not be published. Required fields are marked *