ກະຊວງພາຍໃນ

Ministry of Home Affairs

ພະນັກງານ-ລັດຖະກອນ ອົງການກາແດງລາວ ໄດ້ຮັບບັດລັດຖະກອນ

ໃນວັນທີ 23 ມິຖຸນາ 2020 ທີ່ອົງການກາແດງລາວ ໄດ້ມີພິທີການມອບ-ຮັບ ບັດລັດຖະກອນ ໃຫ້ແກ່ ພະນັກງານ-ລັດຖະກອນ ອົງການກາແດງລາວ ຄັ້ງທີ່  I ຈຳນວນ 73 ທ່ານ, ໂດຍການເຂົ້າຮ່ວມເປັນປະທານ ຂອງ ທ່ານ ນ. ຄຳພູນ ແກ້ວສະຫວັນ ຜູ້ຊ່ວຍຄະນະນຳກະຊວງພາຍໃນ ແລະ ທ່ານ ຮສ.ດຣ. ສິງ ເມໂນລາດ ຮອງປະທານອົງການກາແດງລາວ ມີ ບັນດາຄະນະຫ້ອງການ, ສູນ, ກອງ ແລະ ພະນັກງານ-ລັດຖະກອນ ຂອງອົງການກາແດງລາວເຂົ້າຮ່ວມ.

ໃນພິທີ  ທ່ານ ນ. ຄຳພູນ ແກ້ວສະຫວັນ ຜູ້ຊ່ວຍຄະນະນຳກະຊວງພາຍໃນ ໄດ້ໃຫ້ກຽດຂຶ້ນເຜີຍແຜ່ຄຳແນະນຳ ເລກທີ 06 ກ່ຽວກັບການອອກບັດລັດຖະກອນ ເພື່ອແນະນໍາໃຫ້ ພະນັກງານ-ລັດຖະກອນ ໄດ້ຮັບຮູ້ ແລະ ເຂົ້າໃຈຢ່າງຈະແຈ້ງ ກ່ຽວກັບການນຳໃຊ້ບັດ ແລະ ຂັ້ນຕອນການປັບປຸງຂໍ້ມູນໃຫ້ຖືກຕ້ອງຕາມລະບຽບການ. ການອອກບັດ ພະນັກງານ-ລັດຖະກອນ ແມ່ນເປັນການຢັ້ງຢືນ ແລະ ກວດກາບັນຊີ ຈໍານວນພົນພະນັກງານ-ລັດຖະກອນຜູ້ມີໜ້າ ຫຼື ບໍ່ມີໜ້າຕົວຈິງ ທັງເປັນການປັບປຸງຂໍ້ມູນປະຫວັດລັດຖະ ກອນ ໃຫ້ຖືກຕ້ອງ ແລະ ຫັນການຄຸ້ມຄອງພະນັກງານ-ລັດຖະກອນ ໃຫ້ສອດຄ່ອງຕາມກົດໝາຍ, ລະບຽບການ ແລະ ທັນສະໄໝ ເຮັດໃຫ້ການເບີກຈ່າຍເງິນເດືອນ, ເງິນອຸດໜູນ ແລະ ເງິນນະໂຍບາຍຕ່າງໆຖືກຕ້ອງຕາມຕົວຈິງ. ພ້ອມນີ້, ບັດພະນັກງານ-ລັດຖະກອນ ຍັງອຳນວຍສະດວກຫຼາຍຢ່າງ ເຊິ່ງສາມາດນຳໃຊ້  ແທນບັດປະກັນສັງຄົມ ແລະ ບັດເອທີເອັມ ໄດ້ໃນບັດດຽວ.

Hits: 0

Leave a Reply

Your email address will not be published. Required fields are marked *