ກະຊວງພາຍໃນ

Ministry of Home Affairs

ເອກອັກຄະລັດຖະທູດ ແຫ່ງ ສະຫະພາບເອີຣົບ ຂໍ່ານັບອໍາລາທ່ານ ລັດຖະມົນຕີກະຊວງພາຍໃນ

ໃນ​ວັນ​ທີ 08 ກໍລະກົດ 2020 ທ່ານ Leo Faber ເອກອັກຄະລັດຖະທູດ ແຫ່ງ ສະຫະພາບເອີຣົບ ປະຈຳ ສປປ ລາວ ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບອໍາລາ ທ່ານ ຄໍາໝັ້ນ ສູນວິເລີດ ລັດຖະມົນຕີກະຊວງພາຍໃນ.

ທ່ານ Leo Faber ເອກອັກຄະລັດຖະທູດ ແຫ່ງ ສະຫະພາບເອີຣົບ ປະຈຳ ສປປ ລາວ ໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນຂອງທ່ານລັດ​ຖະ​ມົນ​ຕີ​​ ແລະ ໄດ້ແຈ້ງໃຫ້ຊາບກ່ຽວກັບສະພາບການຕົວຈິງຂອງການສ້າງສາພັດທະນາເສດຖະກິດ-ສັງຄົມ ຢູ່ລາວ ເຊິ່ງໄດ້ເນັ້ນໃສ່ວຽກງານທາງດ້ານການພັດທະນາຊັບພະຍາກອນມະນຸດ, ການສຶກສາຂັ້ນພື້ນຖານ, ດ້ານສາທາລະນະສຸກ, ດ້ານວຽກງານສິດທິມະນຸດ ແລະ ກົດໝາຍ, ດ້ານການປົກຄອງທີ່ດີ ແລະ ອື່ນໆ. ໃນ​ໂອ​ກາດນີ້, ທ່ານລັດ​ຖະ​ມົນ​ຕີ​​ ໄດ້​ສະ​ແດງ​ຄວາມ​ຍ້ອງຍໍຊົມເຊີຍຕໍ່ກັບການປະຕິບັດໜ້າທີ່ໃນໄລຍະຜ່ານມາ ແລະ ກ່າວຂອບໃຈຕໍ່​​ການ​ສະ​ໜັບ​ສະ​ໜູນ, ຊ່ວຍ​ເຫຼືອ​ຂອງ​ສະ​ຫະ​ພາບເອີ​ຣົບ ເຂົ້າ​ໃນ​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ ຂອງ ສ​ປ​ປ​ ລາວ ໃນ​ໄລ​ຍະ​ຜ່ານ​ມາ, ຊຶ່ງ​ເປັນການ​ປະ​ກອບ​ສ່ວນ​ອັນ​ສຳຄັນ​ ເຮັດ​ໃຫ້ ສປປ ລາວ ມີ​ຜົນສຳ​ເລັດ​ໃນ​ການຈັດ​ຕັ້ງ​ປະຕິບັດ​ເປົ້າ​ໝາຍ​ສະຫັດ​ສະຫວັດ​ ຂອງອົງການສະຫະ​ປະຊາ​ຊາດ. ພ້ອມກັນນີ້ ຍັງໄດ້ອວຍພອນໃຫ້ ທ່ານ Leo Faber ເອກອັກຄະລັດຖະທູດ ແຫ່ງ ສະຫະພາບເອີຣົບ ພ້ອມດ້ວຍຄະນະຈົ່ງປະສົບຜົນສໍາເລັດໃນການປະຕິບັດໜ້າທີ່ວຽກງານທີ່ຈະໄດ້ຮັບມອບໝາຍໃນຕໍ່ໜ້າ.

Hits: 0

Leave a Reply

Your email address will not be published. Required fields are marked *