ກະຊວງພາຍໃນ

Ministry of Home Affairs

ພະນັກງານ-ລັດຖະກອນ ພະແນກຍຸຕິທຳ ແລະ ຫ້ອງການຄຸ້ມຄອງ ແລະ ບໍລິຫານຕົວເມືອງ ຂອງ ນະຄອນຫຼວງວຽງຈັນ ໄດ້ຮັບບັດລັດຖະກອນ

ໃນວັນທີ 23 ກໍລະກົດ 2020 ທີ່ ພະແນກຍຸຕິທໍາ ນະຄອນຫຼວງວຽງຈັນ ແລະ ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ໄດ້ຈັດໃຫ້ມີພິທີການມອບ-ຮັບ ບັດລັດຖະກອນ ໃຫ້ແກ່ ພະນັກງານ-ລັດຖະກອນ ຂຶ້ນ ໂດຍການເຂົ້າຮ່ວມ ຂອງ ທ່ານ ສຸວັນນີ ລັດຕະນະວົງ ຫົວໜ້າກົມຄຸ້ມຄອງລັດຖະກອນ ກະຊວງພາຍໃນ, ທ່ານ ບຸນເພັງ ສີນະວົງພອນ ຫົວໜ້າພະແນກຍຸຕິທຳ ນະຄອນຫຼວງວຽງຈັນ, ທ່ານ ບຸນຈັນ ແກ້ວສີທຳມະ ຫົວໜ້າຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ແລະ ທ່ານ ກາບແກ້ວ ນາມມະຈັກ ຮອງຫົວໜ້າພະແນກພາຍໃນນະຄອນ ຫຼວງວຽງຈັນ ມີ ພະນັກງານ-ລັດຖະກອນ ພະແນກຍຸຕິທຳ ນະຄອນຫຼວງວຽງຈັນ ແລະ ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ເຂົ້າຮ່ວມ.

ໃນພິທີມອບ-ຮັບບັດລັດຖະກອນ ທ່ານ ສຸວັນນີ ລັດຕະນະວົງ ຫົວໜ້າກົມຄຸ້ມຄອງລັດຖະ ກອນ ໄດ້ໃຫ້ກຽດເຜີຍແຜ່ ຄຳແນະນຳ ເລກທີ 06 ກ່ຽວກັບການອອກບັດລັດຖະກອນ ເພື່ອແນະນໍາໃຫ້ ພະນັກງານ-ລັດຖະກອນ ໄດ້ຮັບຮູ້ ແລະ ເຂົ້າໃຈຢ່າງຈະແຈ້ງ ກ່ຽວກັບມາດຖານເງືອນໄຂ, ຂໍ້ກຳນົດຕ່າງໆ ຂອງຜູ້ທີ່ໄດ້ຮັບ, ຂັ້ນຕອນການນຳໃຊ້ບັດ ແລະ ການປະກອບຂໍ້ມູນໃຫ້ຖືກຕ້ອງຕາມລະບຽບການ.

ການອອກບັດ ພະນັກງານ-ລັດຖະກອນ ແມ່ນເປັນການຢັ້ງຢືນ ແລະ ກວດກາບັນຊີ ຈໍານວນພົນພະນັກງານ-ລັດຖະກອນຜູ້ມີໜ້າ ຫຼື ບໍ່ມີໜ້າຕົວຈິງ ທັງເປັນການປັບປຸງຂໍ້ມູນປະຫວັດລັດຖະ ກອນ ໃຫ້ຖືກຕ້ອງ ແລະ ຫັນການຄຸ້ມຄອງພະນັກງານ-ລັດຖະກອນ ໃຫ້ສອດຄ່ອງຕາມກົດໝາຍ, ລະບຽບການ ແລະ ທັນສະໄໝ ເຮັດໃຫ້ການເບີກຈ່າຍເງິນເດືອນ, ເງິນອຸດໜູນ ແລະ ເງິນນະໂຍບາຍຕ່າງໆຖືກຕ້ອງຕາມຕົວຈິງ. ພ້ອມນີ້, ບັດລັດຖະກອນ ແມ່ນບັດໜຶ່ງ ທີ່ອຳນວຍຄວາມສະດວກໃຫ້ແກ່ຜູ້ນຳໃຊ້ ເພາະສາມາດນຳໃຊ້  ແທນບັດປະກັນສັງຄົມ ແລະ ບັດເອທີເອັມ ໃນບັດດຽວ. ການມອບບັດໃນຄັ້ງນີ້ ມີພະນັກງານ-ລັດຖະກອນ ພະແນກຍຸຕິທໍາ ນະຄອນຫຼວງວຽງຈັນ ຈໍານວນ 68 ຄົນ ແລະ ພະນັກງານ-ລັດຖະກອນ ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ຈໍານວນ 50 ຄົນ ໄດ້ຮັບບັດລັດຖະກອນ.

Hits: 0

Leave a Reply

Your email address will not be published. Required fields are marked *