ກະຊວງພາຍໃນ

Ministry of Home Affairs

ກະຊວງພາຍໃນ ມອບບັດລັດຖະກອນ ໃຫ້ແກ່ ພະນັກງານ-ລັດຖະກອນ ສະຖາບັນຍຸທຳ ແຫ່ງຊາດ

ກອງປະຊຸມສະຫຼຸບການຈັດຕັ້ງປະຕິບັດວຽກງານຄຸ້ມຄອງພະນັກງານ-ລັດຖະກອນ 06 ເດືອນຕົ້ນປີ ແລະ ທິດທາງແຜນການ 06 ເດືອນທ້າຍປີ ແລະ ມອບ-ຮັບ ບັດລັດຖະກອນ ໃຫ້ແກ່ ພະນັກງານ-ລັດຖະກອນ ພະແນກການ, ອົງການຊ່ວຍວຽກນະຄອນຫຼວງວຽງຈັນ ໄດ້ຈັດຂຶ້ນໃນວັນທີ 09 ກໍລະກົດ 2020 ທີ່ຫ້ອງວ່າການປົກຄອງນະຄອນຫຼວງ ໂດຍການເປັນປະທານຂອງ        ທ່ານ ສຸວັນນີ ລັດຕະນະວົງ ຫົວໜ້າກົມຄຸ້ມຄອງລັດຖະກອນ ກະຊວງພາຍໃນ ແລະ ທ່ານ ສົມເຫຼັກ ວົງສາ ຮັກສາການຫົວໜ້າພະແນກພາຍໃນນະຄອນຫຼວງວຽງຈັນ  ເຂົ້າຮ່ວມມີ ຕາງໜ້າພະນັກງານ ພະແນກການ, ອົງການຊ່ວຍວຽກນະຄອນຫຼວງວຽງຈັນ, ຕາງໜ້າພະນັກງານຫ້ອງການພາຍໃນເມືອງ 09 ເມືອງ ໃນນະຄອນຫຼວງວຽງຈັນ ເຂົ້າຮ່ວມ.

ໃນກອງປະຊຸມຄັ້ງນີ້ໄດ້ ທ່ານ ກາບແກ້ວ ນາມມະຈັກ ຮອງຫົວໜ້າພະແນກພາຍໃນ ໄດ້ຂຶ້ນຜ່ານບົດລາຍງານສະຫຼຼຸບການຈັດຕັ້ງປະຕິບັດວຽກງານຄຸ້ມຄອງພະນັກງານ-ລັດຖະກອນ 06 ເດືອນຕົ້ນປີ ແລະ ທິດທາງແຜນການ 06 ເດືອນທ້າຍປີ ແລະ ແຈ້ງການເລກທີ 37/ພນ ກ່ຽວກັບການສະຫຼຸບຕີລາຄາປະເມີນຂະບວນການແຂ່ງຂັນຮັກຊາດ, ສ້າງບ້ານພັດທະນາ, ການຜັນຂະຫຍາຍວຽກງານ 03 ສ້າງເຂົ້າສູ່ລວງເລີກ ແລະ ກອງປະຊຸມຊຸກຍູ້ຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບການພັດທະນາຊົນນະບົດ ເພື່ອແກ້ໄຂຄວາມທຸກຍາກຂອງປະຊາຊົນໃນຂອບເຂດທົ່ວປະ ເທດ. ກອງປະຊຸມດັ່ງກ່າວ ຜູ້ເຂົ້າຮ່ວມຍັງໄດ້ປະກອບຄຳຄິດຄຳເຫັນ ແລກປ່ຽນຂໍ້ສະດວກ ແລະ ຂໍ້ຄົງຄ້າງ ໃນການຈັດຕັ້ງປະຕິບັດວຽກງານຄຸ້ມຄອງພະນັກງານ-ລັດຖະກອນ ໃນໄລຍະຜ່ານມາ ຢ່າງພາວະວິໄສ ແລະ ແທດເໝາະກັບຄວາມເປັນຈິງ.

ນອກຈາກນັ້ນ,  ທ່ານ ສຸວັນນີ ລັດຕະນະວົງ ຫົວໜ້າກົມຄຸ້ມຄອງລັດຖະກອນ ໄດ້ຊີ້ແຈງບາງບັນຫາກ່ຽວກັບວຽກງານຄຸ້ມຄອງພະນັກງານ-ລັດຖະ ກອນ ແລະ ໄດ້ເຜີຍແຜ່ແນະນຳກ່ຽວກັບການນຳໃຊ້ບັດລັດຖະກອນ ແລະ ລະບຽບການໃນການປະກອບຂໍ້ມູນຕ່າງໆໃຫ້ຖືກຕ້ອງຕາມຄຳແນະນຳເລກທີ 06/ພນ ກ່ຽວກັບການອອກບັດລັດຖະ ກອນຂອງ ກະຊວງພາຍໃນ. ໃນຕອນທ້າຍ ກອງປະຊຸມ ໄດ້ຈັດໃຫ້ມີພິທີມອບ-ຮັບ ບັດລັດຖະກອນ ໃຫ້ແກ່ ພະນັກງານ-ລັດຖະກອນ ພະແນກການ, ອົງການຊ່ວຍວຽກນະຄອນຫຼວງວຽງຈັນ ຈຳນວນ 08 ພາກສ່ວນ ລວມ ມີ 201 ທ່ານ ທີ່ໄດ້ຮັບບັດລັດຖະກອນໃນຄັ້ງນີ້. ການອອກບັດ ພະນັກງານ-ລັດຖະກອນ ແມ່ນເປັນການຢັ້ງຢືນ ແລະ ກວດກາບັນຊີ ຈໍານວນພົນພະນັກງານ-ລັດຖະກອນຜູ້ມີໜ້າ ຫຼື ບໍ່ມີໜ້າຕົວຈິງ ທັງເປັນການປັບປຸງຂໍ້ມູນປະຫວັດລັດຖະ ກອນ ໃຫ້ຖືກຕ້ອງ ແລະ ຫັນການຄຸ້ມຄອງພະນັກງານ-ລັດຖະກອນ ໃຫ້ສອດຄ່ອງຕາມກົດໝາຍ, ລະບຽບການ ແລະ ທັນສະໄໝ ເຮັດໃຫ້ການເບີກຈ່າຍເງິນເດືອນ, ເງິນອຸດໜູນ ແລະ ເງິນນະໂຍບາຍຕ່າງໆຖືກຕ້ອງຕາມຕົວຈິງ. ພ້ອມນີ້, ບັດພະນັກງານ-ລັດຖະກອນ ຍັງອຳນວຍສະດວກຫຼາຍຢ່າງ ເຊິ່ງສາມາດນຳໃຊ້  ແທນບັດປະກັນສັງຄົມ ແລະ ບັດເອທີເອັມ ໄດ້ໃນບັດດຽວ.

Hits: 0

Leave a Reply

Your email address will not be published. Required fields are marked *