ກະຊວງພາຍໃນ

Ministry of Home Affairs

ພະແນກພາຍໃນແຂວງຈໍາປາສັກ ເລົ່າຄືນມູນເຊຶ້ອວັນສໍາຄັນ ຂອງພັກ-ຂອງຊາດ ແລະ ອົງການຈັດຕັ້ງມະຫາຊົນ

ວັນທີ 29 ກໍລະກົດ 2020 ຜ່ານມານີ້ ພະແນກພາຍໃນແຂວງຈໍາປາສັກ ໄດ້ຈັດກອງປະຊຸມປາຖະກະຖາເລົ່າຄືນມູນເຊຶ້ອວັນສໍາຄັນ ຂອງພັກ-ຂອງຊາດ ແລະ ອົງການຈັດຕັ້ງມະຫາຊົນ ຂຶ້ນໂດຍການປາຖະກະຖາຂອງທ່ານ ແສງອາທິດ ຂັນດາຣາ ຮອງຫົວໜ້າພະແນກພາຍໃນແຂວງ, ມີບັນດາທ່ານຫົວໜ້າຂະແໜງ-ຮອງຫົວໜ້າຂະແໜງ ແລະ ພະນັກງານວິຊາການຂອງພະແນກພາຍໃນ ເຂົ້າຮ່ວມ.

ທ່ານ ແສງອາທິດ ຂັນດາຣາ ຮອງຫົວໜ້າພະແນກພາຍໃນແຂວງຈໍາປາສັກ ໄດ້ຂຶ້ນເຜີຍແຜ່ 04 ເອກະສານ ຄຶ: ເອກະສານລະນຶກວັນຄ້າຍວັນເກີດຂອງປະທານສຸພານຸວົງ ຄົບຮອບ 111 ປີ (13.7.1909-13.7.2020), ວັນເຊັນສັນຍາມິດຕະພາບ-ການຮ່ວມມຶລາວ-ຫວຽດນາມ ຄົບຮອບ  43 ປີ(18.7.1977-18.7.2020), ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 58 ປີ(05.9.1962-05.9.2020) ແລະ ເອກະສານລະນຶກວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ(20.7.1955-20.7.2020) ໂດຍທ່ານໄດ້ຍົກໃຫ້ເຫັນຜົນງານອັນພົ້ນເດັ່ນໃນການຊີ້ນໍາ-ນຳພາ, ຄວາມອົງອາດກ້າຫານ, ຄວາມເຂັ້ມແຂງ ແລະ ຄວາມເສຍສະຫຼະເພື່ອຊາດ ຂອງປະທານສຸພານຸວົງ ແລະ ຍົກໃຫ້ເຫັນເຖິງຄວາມສໍາຄັນ ຂອງວັນເຊັນສັນຍາມິດຕະພາບ-ການຮ່ວມມື  ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ທີ່ມີມາແຕ່ດົນນານຈົນກາຍເປັນສາຍພົວພັນມິດຕະພາບແບບພິເສດທີ່ມີການຮອບມືຮອບດ້ານ ຖານອ້າຍນ້ອງດຽວກັນ ແລະ ທ່ານໄດ້ຍົກໃຫ້ເຫັນເຖິງຄວາມໝາຍ-ຄວາມສຳຄັນ ຂອງວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ທີ່ໄດ້ຮັບຜົນສຳເລັດໃນການຈັດຕັ້ງປະຕິບັດວຽກງານກໍຄືການຊີ້ນໍາ-ນໍາພາອົງການຈັດຕັ້ງຂອງແມ່ຍິງ ໃນໄລຍະຜ່ານມາ.

ທ່ານ ແສງອາທິດ ຂັນດາຣາ ຍັງໄດ້ຮຽກຮ້ອງມາຍັງພະນັກງານ-ລັດຖະກອນ ຂອງພະແນກພາຍໃນ ໃຫ້ຮ່ຳຮຽນເອົາແບບຢ່າງນ້ຳໃຈຮັກຊາດອັນດູດດຶ່ມ,ຈິດໃຈຕໍ່ສູ້ອັນພິລະອາດຫານ, ທັດສະນະຫລັກໝັ້ນ ແລະ ຄຸນສົມບັດສິນທຳປະຕິວັດ-ການດຳລົງຊີວິດຂອງປະທານສຸພານຸວົງ ເຂົ້າໃນການປະຕິບັດໜ້າທີ່ວຽກງານ ແລະ ການດໍາລົງຊີວິດຕົວຈິງຂອງຕົນ, ສຶບຕໍ່ຜັນຂະຫຍາຍກ່ຽວກັບຄວາມໝາຍ-ຄວາມສຳຄັນ ຂອງວັນເຊັນສັນຍາມິດຕະພາບການຮ່ວມມຶ ແລະວັນສ້າງຕັ້ງສາຍພົວພັນການທູດ ສອງປະເທດລາວ-ຫວຽດນາມ ແລະ ຮັກສາຜົນສຳເລັດໃນການຈັດຕັ້ງປະຕິບັດວຽກງານອົງການຈັດຕັ້ງຂອງແມ່ຍິງ ຕື່ມອີກ.

Hits: 0

Leave a Reply

Your email address will not be published. Required fields are marked *