ກະຊວງພາຍໃນ

Ministry of Home Affairs

ພະນັກງານ-ລັດຖະກອນ ພະແນກສຶກສາທິການ ແລະ ກິລາ ນະຄອນຫຼວງວຽງຈັນ ແລະ ອົງການກາແດງລາວ ໄດ້ຮັບ ບັດພະນັກງານ-ລັດຖະກອນ

ທ່ານ ສຸວັນນີ ລັດຕະນະວົງ ຫົວໜ້າກົມຄຸ້ມຄອງລັດຖະກອນ ກະຊວງພາຍໃນ  ໄດ້ເຂົ້າຮ່ວມເປັນປະທານໃນພິທີມອບ-ຮັບບັດພະນັກງານ-ລັດຖະກອນ ໃຫ້ແກ່ ພະນັກງານ-ລັດຖະກອນ ສັງກັດຢູ່ ພະແນກສຶກສາທິການ ແລະ ກິລາ ນະຄອນຫຼວງວຽງຈັນ ແລະ ອົງການກາແດງລາວ. ເຊິ່ງພິທີມອບ-ຮັບບັດ ໄດ້ຈັດຂຶ້ນໃນວັນທີ 07 ສິງຫາ 2020  ທີ່ ໂຮງຮຽນມັດທະຍົມສົມບູນ (ມສ )ວຽງຈັນ ໂດຍມີ ທ່ານ ພູທອນ ແສງດາວົງ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ແລະ ທ່ານ ກາບແກ້ວ ນາມມະຈັກ ຮອງຫົວໜ້າພະແນກພາຍໃນນະຄອນຫຼວງວຽງຈັນ ມີ ພະນັກງານ-ລັດຖະກອນຂອງສອງພາກສ່ວນດັ່ງກ່າວ ເຂົ້າຮ່ວມ. ການມອບບັດໃນຄັ້ງນີ້   ມີພະນັກງານ-ລັດຖະກອນ ພະແນກສຶກສາທິການ ແລະ ກິລາ ນະຄອນຫຼວງວຽງຈັນ ຈຳນວນ 66 ທ່ານ ແລະ ອົງການກາແດງລາວ 09 ທ່ານ ໄດ້ຮັບບັດ.

Hits: 0

Leave a Reply

Your email address will not be published. Required fields are marked *