ກະຊວງພາຍໃນ

Ministry of Home Affairs

“ຜົນສຳເລັດຂອງກອງປະຊຸມໃຫຍ່ຄັ້ງທີ VI ຂອງໜ່ວຍພັກກົມແຜນທີ່ແຫ່ງຊາດ”

ກອງປະຊຸມໃຫຍ່ຄັ້ງທີ VI ຂອງຫນ່ວຍພັກກົມແຜນທີ່ແຫ່ງຊາດ ກະຊວງພາຍໃນໄດ້ຈັດຂື້ນໃນວັນທີ 14 ສິງຫາ 2020 ທີ່ກະຊວງພາຍໃນ ໂດຍການເປັນປະທານຂອງສະຫາຍ ບົວສົດ ສຸວັນນະກຸມມານ ເລຂາໜ່ວຍພັກ ກົມແຜນທີ່ແຫ່ງຊາດ, ສະຫາຍ ປອ. ທອງຈັນ ມະນີໄຊ ຄະນະປະຈຳພັກ ຮອງລັດຖະມົນຕີກະຊວງພາຍໃນ ພ້ອມດ້ວຍ ບັນດາສະຫາຍເລຂາ-ຮອງເລຂາໜ່ວຍພັກຮາກຖານ ບັນດາກົມ, ສະຖາບັນ ແລະ ສູນ ພ້ອມດ້ວຍ ສະຊິກພັກສົມບູນ-ສຳຮອງຂອງພາກສ່ວນກ່ຽວຂ້ອງເຂົ້າຮ່ວມ.

          ກອງປະຊຸມຄັ້ງນີ້  ສະຫາຍ ບົວສົດ ສຸວັນນະກຸມມານ ເລຂາໜ່ວຍພັກ ກົມແຜນທີ່ແຫ່ງຊາດ ກະຊວງພາຍໃນ ໄດ້ຂຶ້ນຜ່ານບົດລາຍງານການເມືອງ ແລະ ບົດສຳຫລວດ ການນຳພາຂອງຄະນະໜ່ວຍພັກຊຸດເກົ່າ ເຊິ່ງໄດ້ສະຫຼຸບຕີລາຄາ ດ້ານດີ, ດ້ານອ່ອນຂໍ້ຄົງຄ້າງ, ສາເຫດ ແລະ ບົດຮຽນ ໃນການຊີ້ນຳ-ນຳພາ ຈັດຕັ້ງ ມະຕິກອງປະຊຸມໃຫຍ່ຄັ້ງທີ V ຂອງໜ່ວຍພັກ ກົມແຜນທີ່ແຫ່ງຊາດ ໃນໄລຍະ 5 ປີ ທີ່ຜ່ານມາ ພ້ອມດຽວກັນນີ້ ກອງປະຊຸມ ຍັງໄດ້ປ່ອນບັດຄັດເລຶອກເອົາຄະນະໜ່ວຍພັກຊຸດ ໃໝ່ ແລະ ເລືອກເອົາຜູ້ແທນສົມບູນໄປຮ່ວມກອງປະຊຸມໃຫຍ່ອົງຄະນະພັກກະຊວງພາຍໃນ ຄັ້ງທີ II. ຄະນະໜ່ວຍພັກກົມແຜນທີ່ແຫ່ງຊາດ ຊຸດໃໝ່ ໂດຍກອງປະຊຸມເຫັນດີເລຶອກ ເອົາ ສະຫາຍ ນາງ ສີໄຄ ສໍສິລິບຸນມາ ເປັນເລຂາໜ່ວຍພັກ, ສະຫາຍ ສີສົມບັດ ຈັນທະພິມ ເປັນຮອງເລຂາ ແລະ ສະຫາຍ ສີສົມພອນ ອິນສີຊຽງໃໝ່ ເປັນຜູ້ກວດກາ ຂອງໜ່ວຍພັກ, ສະຫາຍ ດຣ. ນ. ອຳມະລາ ແກ້ວໜູຈັນ ເປັນຄະນະ ແລະ ສະຫາຍ ທ່ານ ສາຍຄຳ ສີຫານາດ ເປັນຄະນະ.          

ກອງປະຊຸມ ໄດ້ຮັບຟັງການໂອ້ລົມ ຂອງສະຫາຍ ປອ. ທອງຈັນ ມະນີໄຊ ຄະນະປະຈໍາພັກ, ຮອງລັດຖະມົນຕີກະຊວງພາຍໃນ, ເຊິ່ງສະຫາຍໄດ້ສະແດງຄວາມຊົມເຊີຍຕໍ່ຜົນສໍາເລັດການເຄື່ອນໄຫວຊີ້ນໍາ-ນໍາພາວຽກງານຮອບດ້ານຂອງໜ່ວຍພັກໃນໄລຍະປີຜ່ານມາ ເຊິ່ງຜົນງານດັ່ງກ່າວນັ້ນ ແມ່ນຍ້ອນຄວາມເອົາໃຈໃສ່ຊີ້ນໍານໍາພາຢ່າງແທດເຖິງຂອງຄະນະໜ່ວຍພັກກົມແຜນທີ່ແຫ່ງຊາດ, ຈາກນັ້ນສະຫາຍໄດ້ຍົກໃຫ້ເຫັນ ບາງບັນຫາທີ່ຈະຕ້ອງໄດ້ສືບຕໍ່ເອົາໃສ່ເພື່ອຕອບສະໜອງຄວາມຮຽກຮ້ອງຕ້ອງການອັນຮີບດ່ວນ ແລະ ຮັບປະກັນໃຫ້ແກ່ວຽກງານໄລຍະໃໝ່ເຊັ່ນ:  ສຶກສາອົບຮົມການເມືອງ-ແນວຄິດ ໃຫ້ອ້າຍນ້ອງສະມາຊິກພັກ ພະນັກງານພາຍໃນກົມ ເປັນປົກກະຕິ ແລະ ຕໍ່ເນື່ອງ; ບຳລຸງ-ກໍ່ສ້າງ ສະມາຊິກພັກ-ພະນັກງານ ພາຍໃນກົມໃຫ້ມີຄວາມເຂັ້ມແຂງໜັກແໜ້ນ, ມີສະຕິຕໍ່ ການຈັດຕັ້ງ ເຄົາລົບລະບຽບຂອງພັກແລະ ກົດໝາຍຂອງລັດ, ເຂັ້ມງວດມີຄຸນສົມບັດສິນທຳປະຕິວັດ ແລະ ມີຄວາມຈົງຮັກພັກດີຕໍ່ການນຳພາຂອງພັກ, ຍົກສູງຄວາມສາມາດໃນການນຳພາ-ຊີ້ນຳຂອງຄະນະໜ່ວຍພັກ ໃນການຄົ້ນຄວ້າກຳແໜ້ນແນວທາງນະໂຍບາຍມະຕິຄຳສັ່ງລະບຽບຂອງພັກ ກົດໝາຍຂອງລັດ ພ້ອມທັງນຳພາຈັດຕັ້ງປະຕິບັດ ໃຫ້ເກີດຜົນເປັນຈິງ, ໂດຍສະເພາະແມ່ນຕ້ອງໄດ້ເອົາໃຈໃສ່ສືບຕໍ່ໃນການສ້າງຮ່າງກົດໝາຍວ່າດ້ວຍການສໍາຫຼວດວັດແທກ ແລະ ສ້າງແຜນທີ່ໃຫ້ສໍາເລັດ, ການຜະລິດຂໍ້ມູນຂ່າວສານພູມສາດໃຫ້ຕອບສະໜອງໄດ້ກັບຄວາມຕ້ອງການຂອງສັງຄົມ, ການບໍລິການຂໍ້ມູນໃຫ້ກ້ວາງຂວາງ ແລະ ທົ່ວເຖິງ, ດັດແກ້ຂໍ້ມູນເກົ່າໃຫ້ເປັນຂໍ້ມູນໃໝ່ທີ່ແທດເໝາະກັບສະພາບຕົວຈິງ,  ນອກນັ້ນ ຄະນະພັກຊຸດໃໝ່ຍັງຈະຕ້ອງໄດ້ເອົາໃຈໃສ່ຊີ້ນໍານໍາພາວຽກງານຂອງສາມອົງການຈັດຕັ້ງມະຫາຊົນໃຫ້ໄດ້ເຄື່ອນໄຫວຕາມພາລະບົດບາດຂອງຕົນ, ຊຸກຍູ້ບັນດາແຂວງ ແກ້ໄຂບັນຫາເຂດແດນເຊື່ອມຕໍ່ໃຫ້ສໍາເລັດໂດຍໄວ ສູ້ຊົນຈັດຕັ້ງປະຕິບັດຜັນຂະຫຍາຍມະຕິກອງປະຊຸມຄັ້ງນີ້ ເພື່ອເຮັດສໍາເລັດໜ້າທີ່ການເມືອງທີ່ ກະຊວງພາຍໃນກໍ່ຄືພັກ-ລັດຖະບານ ມອບໝາຍໃຫ້ຢ່າງມີໄຊ.

Hits: 0

Leave a Reply

Your email address will not be published. Required fields are marked *