ກະຊວງພາຍໃນ

Ministry of Home Affairs

ກະຊວງພາຍໃນ ໄດ້ຈັດພິທີປະກາດການຈັດຕັ້ງຂຶ້ນ ໃນວັນທີ 28 ກັນຍາ 2020 ໂດຍການເຂົ້າຮ່ວມຂອງ ທ່ານ ຄຳມູນ ວິພົງໄຊ ຮອງລັດຖະມົນຕີ ກະຊວງພາຍໃນ ມີບັນດາຄະນະພັກກະຊວງ, ຄະນະໜ່ວຍພັກຫ້ອງການ ບັນດາກົມ, ສະຖາບັນ, ສູນ ແລະ ພະນັກງານ-ລັດຖະກອນ ຂອງກະຊວງພາຍໃນ ເຂົ້າຮ່ວມ.

ໃນພິທີ ທ່ານ ປອ ທອງຈັນ ມະນີໄຊ ຄະນະປະຈໍາພັກ-ຮອງລັດຖະມົນຕີກະຊວງພາຍໃນ ໄດ້ຂຶ້ນຜ່ານດຳລັດຂອງນາຍົກລັດຖະມົນຕີ ວ່າດ້ວຍການອະນຸມັດໃຫ້ພະນັກງານ ອອກພັກການ-ຮັບອຸດໜູນບຳນານ ແລະ ດຳລັດຂອງນາຍົກລັດຖະມົນຕີ ວ່າດ້ວຍການແຕ່ງຕັ້ງ ພະນັກງານຮັບໜ້າທີ່ໃໝ່  ໂດຍໄດ້ແຕ່ງຕັ້ງ ທ່ານ ນິສິດ ແກ້ວປັນຍາ ເປັນຫົວໜ້າກົມພັດທະນາການບໍລິຫານລັດ ແທນ ທ່ານ ອຳພາ ສິມມະສອນ ອາດິດຫົວໜ້າກົມພັດທະນາການບໍລິຫານລັດ ທີ່ໄດ້ພັກການ-ຮັບອຸດໜູນບຳນານ, ແຕ່ງຕັ້ງ ທ່ານ ນ. ສີໄຄ ສໍສິລິບຸນມາ ເປັນຫົວໜ້າກົມແຜນທີ່ແຫ່ງຊາດ ແທນ ທ່ານ ບົວສົດ ສຸວັນນະກຸມມານ ອາດິດຫົວໜ້າກົມແຜນທີ່ແຫ່ງຊາດ ທີ່ໄດ້ພັກການ-ຮັບອຸດໜູນບຳນານ ແລະ ໄດ້ແຕ່ງຕັ້ງ ທ່ານ ວັນນະ ບຸບຜາ ເປັນຫົວໜ້າກົມແຂ່ງຂັນ ແລະ ຍ້ອງຍໍ ແທ່ນ ທ່ານ ເຢລໍ ເຈ່ຍວ່າ ອາດິດຫົວໜ້າກົມແຂ່ງຂັນ ແລະ ຍ້ອງຍໍ ທີ່ໄດ້ພັກການ-ຮັບອຸດໜູນບຳນານ ເຊັ່ນດຽວກັນ.  

ໃນໂອກາດນີ້  ທ່ານ ຄຳມູນ ວິພົງໄຊ ຮອງເລຂາຄະນະພັກ-ຮອງລັດຖະມົນຕີກະຊວງພາຍໃນ ໄດ້ໃຫ້ກຽດມີຄຳເຫັນໂອ້ລົມ ເຊິ່ງທ່ານ ໄດ້ກ່າວວ່າ ການປະກາດການຈັດຕັ້ງຂອງກະຊວງພາຍໃນ ໃນຄັ້ງນີ້ ເປັນອີກວາລະໜຶ່ງ ທີ່ມີຄວາມໝາຍຄວາມສຳຄັນເປັນຢ່າງຍິ່ງ ເພາະເປັນການຢັ້ງຢືນເຖິງການປະຕິບັດຕາມທິດຊີ້ນຳຂອງພັກ ແລະ ລັດຖະບານ ໂດຍສະເພາະແມ່ນການຈັດຕັ້ງປະຕິບັດຕາມມະຕິ, ຄຳສັ່ງ, ກົດໝາຍ, ດຳລັດ ແລະ ລະບຽບການກ່ຽວກັບວຽກງານພະນັກງານໃຫ້ເຂັ້ມງວດ, ການພັກຜ່ອນຮັບອຸດໜູນບຳນານຖືວ່າເປັນກົດເກນ ແລະ ຫຼັກການໜຶ່ງໃນການຄຸ້ມຄອງພັກ-ພະນັກງານ ພ້ອມທັງເປັນການປະຕິບັດນະໂຍບາຍຕໍ່ຜູ້ທີ່ມີຜົນງານ, ມີຄຸນງາມຄວາມດີ

ຈາກການປະຕິບັດໜ້າທີ່ວຽກງານໃນໄລຍະຜ່ານມາ ເຊິ່ງ ທັງສາມທ່ານທີ່ໄດ້ພັກການ-ຮັບອຸດໜູນບຳນານ ຜ່ານມາແມ່ນມີຜົນງານອັນໃຫ່ຍຫຼວງໃນວຽກງານຂອງກະຊວງພາຍໃນ ກໍ່ຄືປະເທດຊາດ ເປັນຜູ້ທີ່ໄດ້ຮັບຄວາມໄວ້ວາງໃຈຈາກການຈັດຕັ້ງ ຕະຫຼອດໄລຍະແຫ່ງການປະກອບສ່ວນວຽກງານຜ່ານມາ ຈົນຮອດເວລານີ້ ອາຍຸກະສຽນ ແລະ ອາຍຸການເຮັດວຽກກໍ່ຖືວ່າຖືກຕ້ອງຕາມກົດໝາຍ ແລະ ລະບຽບການທີ່ວາງອອກ ພ້ອມດຽວກັນນີ້ ທ່ານຍັງໄດ້ຮຽກຮ້ອງໃຫ້ ຜູ້ທີ່ໄດ້ຮັບການແຕ່ງຕັ້ງໃຫ້ດຳລົງຕໍ່າແໜ່ງໃໝ່ ຕ້ອງໄດ້ເອົາໃຈໃສ່ປະຕິບັດໜ້າທີ່ໃນຄວາມຮັບຜິດຊອບຂອງຕົນໃຫ້ຫຼາຍກວ່າເກົ່າ, ຮຽນຮູ້ໃຫ້ຫຼາຍກວ່າເກົ່າເພາະວ່າເຮົາມີໜ້າທີ່ວຽກງານໃໝ່ທີ່ຕ້ອງໄດ້ສຶກສາຄົ້ນຄວ້າ ແລະ ສືບຕໍ່ສູ້ຊົນປະຕິບັດໜ້າທີ່ວຽກງານໃຫ້ມີຜົນສຳເລັດຍິ່ງໃຫ່ຍກວ່າເກົ່າ.

Hits: 0

Leave a Reply

Your email address will not be published. Required fields are marked *