ກະຊວງພາຍໃນ

Ministry of Home Affairs

ກະຊວງພາຍໃນ ຮ່ວມໃຈບໍລິຈາກເລືອດ ຕ້ອນຮັບກອງປະຊຸມໃຫຍ່ ຂອງອົງຄະນະພັກກະຊວງພາຍໃນ ຄັ້ງທີ II ແລະ ວັນຊາດ ທີ 2 ທັນວາຄົບຮອບ 45 ປີ

ວັນທີ 24 ພະຈິກ 2020 ນີ້ 3 ອົງການຈັດຕັ້ງມະຫາຊົນ ກະຊວງພາຍໃນ ໄດ້ຈັດພິທີບໍລິຈາກເລືອດ ໂດຍການເປັນປະທານຂອງທ່ານ ຄໍາມູນ ວິພົງໄຊ ຮອງລັດຖະມົນຕີກະຊວງພາຍໃນ, ໃຫ້ກຽດເຂົ້າຮ່ວມມີທ່ານ ແພງທອງ ບານຈັນທະວົງ ຮອງຫົວໜ້າສູນບໍລິຈາກເລືອດແຫ່ງຊາດ, ມີບັນດາຄະນະກົມ, ຫ້ອງການ, ສະຖາບັນ, ສູນ ແລະ ພະນັກງານ-ລັດຖະກອນ ກະຊວງພາຍໃນ ເຂົ້າຮ່ວມ.

          ທ່ານ ຄໍາມູນ ວິພົງໄຊ ໄດ້ກ່າວວ່າ: ການຈັດພິທີບໍລິຈາກເລືອດໃນຄັ້ງນີ້ ເພື່ອເປັນການຂໍ່ານັບຮັບຕ້ອນກອງປະຊຸມໃຫຍ່ ອົງຄະນະພັກກະຊວງພາຍໃນ ຄັ້ງທີ II ແລະ ວັນຊາດ ທີ 2 ທັນວາຄົບຮອບ 45 ປີ ( 2 ທັນວາ 1975 – 2 ທັນວາ 2020 ), ເລືອດມີຄວາມສໍາຄັນ ແລະ ຈໍາເປັນທີ່ສຸດຕໍ່ມະນຸດ, ປັດຈຸບັນຍັງມີຫຼາຍຊີວິດໃນໂລກ ເວົ້າສະເພາະແມ່ນຢູ່ ສປປ ລາວ ຍັງມີກຸ່ມຄົນຈໍານວນໜຶ່ງທີ່ຈໍາເປັນຕ້ອງອາໄສເລືອດເພື່ອຄວາມຢູ່ລອດຂອງຊີວິດ, ການປຸກລະດົມບໍລິຈາກເລືອດທີ່ເຕັມໄປດ້ວຍຄວາມເອື້ອອາທອນ ແລະ ເປັນບຸນກຸສົນອັນຍິ່ງໃຫຍ່ຂອງສະມາຊິກ 3 ອົງການຈັດຕັ້ງມະຫາຊົນ ກໍຄື ພະນັກງານ-ລັດຖະກອນ ທີ່ມີບົດບາດ ແລະ ຄວາມສໍາຄັນຕໍ່ສັງຄົມ ເພື່ອຊ່ວຍເຫຼືອເພື່ອນມະນຸດດ້ວຍກັນ. ການບໍລິຈາກເລືອດໄດ້ຊ່ວຍຟື້ນຟູສຸຂະພາບ, ຊ່ວຍຊີວິດຄົນຈາກໂລກໄພໄຂ້ເຈັບພະຍາດຮ້າຍແຮງຕ່າງໆ ເປັນຕົ້າແມ່ນ ອຸບັດຕິເຫດ, ການຟອກໄຂ່ຫຼັງ, ພະຍາດເລືອດຈາງ ແລະ ການຜ່າຕັດຕ່າງໆ, ການບໍລິຈາກເລືອດເປັນວິທີທີ່ສາມາດຊ່ວຍຊິວິດຂອງຄົນໄດ້ດີທີ່ສຸດ ເພາະເລືອດມີຄຸນຄ່າ ແລະ ມີຄວາມສໍາຄັນທີ່ສຸດຕໍ່ຮ່າງກາຍ ແຕ່ເລືອດບໍ່ສາມາດຜະລິດຂຶ້ນໄດ້ ມີແຕ່ຮ່າງກາຍຂອງຄົນເທົ່ານັ້ນທີ່ສ້າງເລືອດທີ່ປອດໄພຂຶ້ນມາໄດ້.           ຜ່ານມາກະຊວງພາຍໃນ ໄດ້ຈັດໃຫ້ມີການບໍລິຈາກເລືອດ ແລະ ມີພະນັກງານ-ລັດຖະກອນໄດ້ຕື່ນຕົວສະໝັກໃຈເຂົ້າຮ່ວມບໍລິຈາກເລືອດ ໃນໂອກາດວັນສໍາຄັນຕ່າງໆຂອງຊາດ ເດັ່ນກວ່າໝູ່ແມ່ນ ທ່ານ ລັງສິດ ຖານະສຸກ ບໍລິຈາກເລືອດໄດ້ 61 ຄັ້ງ ແລະ ຍັງມີ ທ່ານ ເອກະສິດ ຈັນນະປັນຍາ, ທ່ານ ພູວົງ ສີສົມບັດ, ທ່ານນາງ ຄໍາສະຫງຽມ ລາດສະພົງ, ທ່ານນາງ ເພັດມະນີ ຫຼວງລາດ, ທ່ານນາງ ສຸລິນໄຊ ຂຸນອາສາ, ທ່ານ ຕ໋ອງ ພູມມີພັນ, ທ່ານ ອາໂນລັກ ສິດທິເດດ ແລະ ອີກຫຼາຍໆທ່ານ. ພິທີບໍລິຈາກເລືອດຂອງ 3 ອົງການຈັດຕັ້ງມະຫາຊົນ ກະຊວງພາຍໃນ ໃນຄັ້ງນີ້ມີຜູ້ບໍລິຈາກເລືອດໄດ້ທັງໝົດ 30 ຖົງ.

Hits: 7

Leave a Reply

Your email address will not be published. Required fields are marked *