ກະຊວງພາຍໃນ

Ministry of Home Affairs

ຮອງ ລມຕ ກະຊວງພາຍໃນ ເຂົ້າຮ່ວມພິທີປະກາດເປີດສູນບໍລິການຜ່ານປະຕູດຽວເມືອງບາຈຽງຈະເລີນສຸກ ແຂວງຈໍາປາສັກ

ທ່ານ ຄໍາມູນ ວິພົງໄຊ ຮອງລັດຖະມົນຕີກະຊວງພາຍໃນ ໄດ້ເຂົ້າຮ່ວມພິທີເປີດສູນບໍລິການຜ່ານປະຕູດຽວເມືອງບາຈຽງຈະເລີນສຸກ ຢູ່ທີ່ແຂວງຈໍາປາສັກ ໃນວັນທີ 10 ພະຈິກ 2020 ນີ້, ມີທ່ານ ປອ ວິໄລວົງ ບຸດດາຄໍາ ເຈົ້າແຂວງຈໍາປາສັກ, ທ່ານ ສົມລິດ ປັນທະບົວສີ ເຈົ້າເມືອງເມືອງບາຈຽງຈະເລີນສຸກ ພ້ອມດ້ວຍບັນດາຄະນະບໍລິຫານງານພັກແຂວງ, ຄະນະບໍລິຫານງານພັກເມືອງ ແລະ ແຂກທີ່ຖືກເຊີນເຂົ້າຮ່ວມ.

ໃນພິທີ ທ່ານ ຄໍາມູນ ວິພົງໄຊ ຮອງລັດຖະມົນຕີກະຊວງພາຍໃນ ໄດ້ມີຄໍາເຫັນຕໍ່ພິທີວ່າ: ການປັບປຸງການບໍລິການຜ່ານປະຕູດຽວແມ່ນນະໂຍບາຍລັດຖະບານ ໂດຍແມ່ນກະຊວງພາຍໃນ ເປັນເສນາທິການໃຫ້ແກ່ລັດຖະບານໃນການຄົ້ນຄວ້າປັບປຸງລະບົບ ແລະ ຮູບແບບການບໍລິການ ເພື່ອຍົກສູງ ແລະ ເລັງໃຫ້ເຫັນຄວາມສໍາຄັນຂອງວຽກງານດັ່ງກ່າວ ໂດຍໄດ້ເລັ່ງສຸມໃສ່ຄົ້ນຄວ້າຮູບແບບ ເພື່ອປັບປຸງ ແລະ ພັດທະນາກົນໄກການບໍລິການຜ່ານປະຕູດຽວທີ່ຈັດຕັ້ງປະຕິບັດໄລຍະຜ່ານມາໃຫ້ດີກວ່າເກົ່າ, ສ້າງຄວາມເຂົ້າໃຈ ແລະ ຍົກລະດັບຄວາມຮູ້ ຄວາມສາມາດໃຫ້ແກ່ພະນັກງານ-ລັດຖະກອນທີ່ກ່ຽວຂ້ອງ ກ່ຽວກັບການໃຫ້ບໍລິການ ເພື່ອຊ່ວຍໃຫ້ມີທິດທາງໃນການປັບປຸງການບໍລິການຂອງລັດ ໂດຍສະເພາະແມ່ນຮູບແບບການບໍລິການຜ່ານປະຕູດຽວ. ການຄົ້ນຄວ້າອອກແບບສູນບໍລິການຜ່ານປະຕູດຽວ ໄດ້ຄົ້ນຄວ້າຄືນກ່ຽວກັບໂຄງສ້າງ, ລະບຽບການ, ຂະບວນການ, ວິທີການ ແລະ ກົນໄກຕ່າງໆ ເພື່ອປັບປຸງໃຫ້ເປັນຕົວແບບສູນບໍລິການທີ່ມີປະສິດທິພາບ ເຊິ່ງໃນໄລຍະຜ່ານມາຄະນະຮັບຜິດຊອບການຈັດຕັ້ງປະຕິບັດວຽກງານບໍລິການຜ່ານປະຕູດຽວກະຊວງພາຍໃນ ໄດ້ຮ່ວມເຮັດວຽກກັບຂະແໜງ ການທີ່ກ່ຽວຂ້ອງ ແລະ ຮ່ວມເຮັດວຽກໃນການສະໜັບສະໜູນທາງແຂວງ ແລະ ເມືອງ ໂດຍໄດ້ຕົກລົງຄັດເລືອກເມືອງໄຊເສດຖາ ແລະ ເມືອງບາຈຽງຈະເລີນສຸກ ແຂວງຈໍາປາສັກ ເພື່ອສ້າງເປັນສູນບໍລິການຜ່ານປະຕູດຽວແບບຢ່າງ.

Hits: 0

Leave a Reply

Your email address will not be published. Required fields are marked *