ກະຊວງພາຍໃນ

Ministry of Home Affairs

ພິທີປະກາດການແຕ່ງຕັ້ງ ລັດຖະມົນຕີ ກະຊວງພາຍໃນ

ວັນທີ 20 ພະຈິກ 2020 ນີ້ ກະຊວງພາຍໃນ ໄດ້ຈັດພິທີປະກາດການແຕ່ງຕັ້ງ ສະຫາຍ ທອງຈັນ ມະນີໄຊ ເປັນເລຂາຄະນະບໍລິຫານງານພັກກະຊວງພາຍໃນ ຕາມມະຕິຕົກລົງ ຂອງກົມການເມືອງສູນກາງພັກ ສະບັບເລກທີ 202/ກມສພ,ລົງວັນທີ 27/10/2020 ແລະລັດຖະດຳລັດ ຂອງປະທານປະເທດ ສະບັບເລກທີ 194/ປປທ, ລົງວັນທີ 4/11/2020 ວ່າດ້ວຍການແຕ່ງຕັ້ງ ສະຫາຍ ທອງຈັນ ມະນີໄຊ ເປັນລັດຖະມົນຕີ ກະຊວງພາຍໃນ ໂດຍມີ ສະຫາຍ ສົມດີ ດວງດີ ຮອງນາຍົກລັດຖະມົນຕີ ເຂົ້າຮ່ວມພິທີປະກາດການຈັດຕັ້ງ ແລະ ມີຮອງເລຂາ, ບັນດາຄະນະພັກກະຊວງ,ບັນດາເລຂາ-ຮອງເລຂາໜ່ວຍພັກ ຕະຫຼອດຮອດສະມາຊິກພັກ, ພະນັກງານ-ລັດຖະກອນ ພາຍໃນກະຊວງ ເຂົ້າຮ່ວມ.

ໃນໂອກາດດັ່ງກ່າວ ສະຫາຍ ສົມດີ ດວງດີ ໄດ້ມີຄຳເຫັນຕໍ່ພິທີວ່າ: ເພື່ອໃຫ້ຮັບປະກັນລັກສະນະສືບທອດປ່ຽນແທນ, ຕໍ່ເນື່ອງ ໃນສະເພາະໜ້າ ແລະ ຍາວນານ, ເພື່ອຍົກສູງຄຸນນະພາບຂອງວຽກງານພະນັກງານ ແລະ ຖັນແຖວພະນັກງານນໍາພາ-ຄຸ້ມຄອງຂັ້ນຍຸດທະສາດ ແລະ ເພື່ອສືບຕໍ່ປະກອບສ່ວນສໍາຄັນເຂົ້າໃນການເຄື່ອນໄຫວວຽກງານຂະ    ແໜງການພາຍໃນ ໃຫ້ມີປະສິດທິພາບ ແລະ ປະສິດທິຜົນ. ພັກ ແລະ ລັດຖະບານ ກໍ່ຄື ກົມການເມືອງສູນກາງພັກ ໄດ້ເອົາໃຈໃສ່ ແລະ ໃຫ້ຄວາມສໍາຄັນຕໍ່ວຽກງານດັ່ງກ່າວ ພ້ອມທັງເຮັດໃຫ້ວຽກງານຂະແໜງພາຍໃນ ໄດ້ຮັບ ການຈັດຕັ້ງປະຕິບັດຢ່າງຕໍ່ເນື່ອງ ແລະ ປັບປຸງດີຂຶ້ນກວ່າເກົ່າ ຈຶ່ງໄດ້ຄົ້ນຄວ້າແຕ່ງຕັ້ງພະນັກງານການນຳຂອງກະຊວງພາຍໃນ ເຊິ່ງສະຫາຍທີ່ ໄດ້ຮັບການແຕ່ງຕັ້ງນັ້ນ ລ້ວນແຕ່ເປັນພະນັກງານທີ່ມີມາດຕະຖານ ແລະ ເງື່ອນໄຂຖືກຕ້ອງ, ເໝາະສົມ, ໄດ້ຜ່ານການພິຈາລະນາຕາມຊີວະປະຫວັດ, ວຸດທິການສຶກສາ ແລະ ການເຄື່ອນໄຫວວຽກງານຕົວຈິງ ໃນການນໍາພາວຽກງານໃນທົໍ່ວຂະແໜງພາຍໃນ ແລະ ປະກອບສ່ວນໃນວຽກງານລວມຂອງປະເທດຊາດ. ພ້ອມກັນນີ້ ສະຫາຍຜູ້ທີ່ໄດ້ຮັບການແຕ່ງຕັ້ງໃຫ້ດໍາລົງຕໍາແໜ່ງໃໝ່ ຕ້ອງໄດ້ເອົາໃຈໃສ່ຢ່າງຕັ້ງໜ້າໃນການປະຕິບັດໜ້າທີ່ການເມືອງທີ່ໄດ້ຮັບຜິດຊອບໃຫ້ຫຼາຍກວ່າເກົ່າ, ເອົາໃຈໃສ່ນໍາພາ-ຊີ້ນໍາວຽກງານຮອບດ້ານຂອງ ກະຊວງພາຍໃນ ໃຫ້ໜັກແໜ້ນ, ເຂັ້ມແຂງ, ມີປະສິດທິພາບ ແລະ ປະສິດທິຜົນສູງກວ່າເກົ່າ ໂດຍສະເພາະການປະຕິບັດພາລະບົດບາດເປັນເສນາທິການໃຫ້ພັກ ແລະ ລັດຖະບານໃນການພັດທະນາການບໍລິຫານລັດ, ການປົກຄອງຂັ້ນສູນກາງ ແລະ ທ້ອງຖິ່ນ, ການຄຸ້ມຄອງລັດຖະກອນ, ການຄຸ້ມຄອງອົງການຈັດຕັ້ງສັງຄົມ, ວຽກງານສາມສ້າງ, ວຽກງານສໍາຫຼວດວັດແທກ ແລະ ແຜນທີ່ , ວຽກງານເອກະສານ, ວຽກງານຊົນເຜົ່າ ແລະ ສາສະໜາ, ວຽກງານຄຸ້ມຄອງພົນລະເມືອງ ແລະ ວຽກງານແຂ່ງຂັນ ແລະ ຍ້ອງຍໍໃນຂອບເຂດທົ່ວປະເທດ.

ໄລຍະຜ່ານມາ ຂະແໜງການພາຍໃນ ກໍໄດ້ມີຜົນງານອັນຫຼວງຫຼາຍໃນການປະກອບສ່ວນເຂົ້າໃນວຽກງານຂອງພັກ-ລັດຖະບານ, ວຽກງານລວມຂອງປະເທດຊາດ. ສະນັ້ນ, ໃນຕໍ່ໜ້າຂໍສະເໜີໃຫ້ ສະຫາຍ ທອງຈັນ ມະນີໄຊ ຈົ່ງນໍາພາຄະນະພັກ, ສະມາຊິກພັກ, ພະນັກງານ-ລັດຖະກອນ ກໍຄືຂະແໜງພາຍໃນ ຮັກສາມູນເຊື້ອ, ເສີມຂະຫຍາຍຜົນງານທີ່ ບັນດາສະຫາຍຍາດມາໄດ້ໃນໄລຍະຜ່ານມາ ແລະ ສ້າງຜົນງານອັນໃໝ່ໃຫຍ່ຫຼວງກວ່າເກົ່າ

Hits: 25

Leave a Reply

Your email address will not be published. Required fields are marked *