ພິທີມອບ-ຮັບ ໜ້າທີ່ລະຫວ່າງ ຫົວໜ້າກົມຜູ້ເກົ່າ ແລະ ຫົວໜ້າກົມຜູ້ໃໝ່ ກະຊວງພາຍໃນ

ໃນຕອນເຊົ້າຂອງວັນທີ 25 ສິງຫາ 2021 ກະຊວງພາຍໃນ ໄດ້ຈັດພິທີມອບ-ຮັບ ໜ້າທີ່ ລະຫວ່າງ ຫົວໜ້າກົມຜູ້ເກົ່າ ແລະ ຫົວໜ້າກົມຜູ້ໃໝ່ ກະຊວງພາຍໃນ ໂດຍການເປັນປະທານ ຂອງ ທ່ານ ນິສິດ ແກ້ວປັນຍາ ຮອງລັດຖະມົນຕີ ກະຊວງພາຍໃນ ມີ ຄະນະກົມ ແລະ ພະນັກງານ-ລັດຖະກອນ ຂອງກົມກ່ຽວຂ້ອງ ເຂົ້າຮ່ວມ.

ພິທີຄັ້ງນີ້ ໄດ້ຈັດຂຶ້ນແມ່ນເພື່ອມອບຮັບໜ້າທີລະຫວ່າງຫົວໜ້າກົມຜູ້ເກົ່າ ແລະ ຜູ້ໃໝ່ ຂອງ 04 ກົມ ທີ່ສັງກັດ ກະຊວງພາຍໃນຄື: ກົມຄຸ້ມຄອງລັດຖະກອນ, ກົມການປົກຄອງທ້ອງຖິ່ນ, ກົມພັດທະນາການບໍລິຫານລັດ ກົມປະເມີນຜົນ ແລະ ພັດທະນາລັດຖະກອນ. ໃນພິທີ ບັນດາຫົວໜ້າກົມຜູ້ເກົ່າ ໄດ້ຂຶ້ນລາຍງານໂດຍຫຍໍ້ກ່ຽວກັບຜົນສຳເລັດການຈັດຕັ້ງປະຕິບັດວຽກງານ ໃນໄລຍະຜ່ານມາ ແລະ ແຜນການຕໍ່ໜ້າ ຈາກນັ້ນກໍ່ໄດ້ມີການມອບຮັບໜ້າທີ່ຫົວໜ້າກົມຄຸ້ມຄອງລັດຖະກອນ ລະຫວ່າງ ທ່ານ ສຸວັນນີ ລັດຕະນະວົງ (ຫົວໜ້າກົມຜູ້ເກົ່າ) ແລະ ທ່ານ ສິງທະວອນ ດາລາວົງ (ຫົວໜ້າກົມຜູ້ໃໝ່), ຫົວໜ້າກົມການປົກຄອງທ້ອງຖິ່ນ ລະຫວ່າງ ທ່ານ ຄຳພັນ ສັກລາສິງ (ຫົວໜ້າກົມຜູ້ເກົ່າ) ແລະ ທ່ານ ບຸນຈັນ ນິຍະວົງ (ຫົວໜ້າກົມຜູ້ໃໝ່), ຫົວໜ້າກົມປະເມີນຜົນ ແລະ ພັດທະນາລັດຖະກອນ ລະຫວ່າງ ທ່ານ ບຸນຈັນ ນິຍະວົງ (ຫົວໜ້າກົມຜູ້ເກົ່າ) ແລະ ທ່ານ ທອງສະຫວັນ ປັນຍາວິຈິດ (ຫົວໜ້າກົມຜູ້ໃໝ່) ແລະ ມອບຮັບໜ້າທີ່ຫົວໜ້າກົມພັດທະນາການບໍລິຫານລັດ ລະຫວ່າງ ທ່ານ ທອງສະຫວັນ ປັນຍາວິຈິດ (ຮັກສາການຫົວໜ້າກົມຜູ້ເກົ່າ ) ແລະ ທ່ານ ສຸລິວັນ ອ່ອນຕາວົງ (ຫົວໜ້າກົມຜູ້ໃໝ່).

ໃນໂອກາດເຂົ້າຮ່ວມ ພິທີມອບ-ຮັບໜ້າທີ່ຄັ້ງນີ້ ຄະນະພັກ-ຄະນະນໍາກະຊວງພາຍໃນ ໄດ້ສະແດງຄວາມຍິນດີ ແລະ ຊົມເຊີຍຢ່າງຈິງໃຈ ຕໍ່ບັນດາທ່ານຫົວໜ້າກົມ (ຜູ້ເກົ່າ) ທີ່ໄດ້ປະຕິບັດໜ້າທີ່ການເມືອງ ທີ່ພັກ-ລັດ ກໍຄືຄະນະພັກ-ຄະນະນຳກະຊວງພາຍໃນ ມອບໝາຍໃຫ້      ໃນໄລຍະຜ່ານມາ ຊຶ່ງສາມາດຍາດໄດ້ຜົນເລັດໃຫ່ຍຫລວງ ແລະ ໃຫ້ບັນດາທ່ານທີ່ໄດ້ຮັບໜ້າທີ່ໃໝ່ ຕ້ອງໄດ້ຕັ້ງໜ້າບຸກບືນ ແລະ ເພີ່ມທະວີຍົກສູງຄວາມເປັນເຈົ້າການ ໃນການປະຕິບັດໜ້າທີ່ການເມືອງຂອງຕົນ ດ້ວຍຄວາມຮັບຜິດຊອບສູງ ແລະ ມີຜົນສໍາເລັດໃຫ້ສົມກັບທີ່ການຈັດຕັ້ງ ແລະ ຂັ້ນເທີງໃຫ້ຄວາມເຊື່ອໝັ້ນ ແລະ ໄວ້ວາງໃຈ.

ສ່ວນໃນຕອນບ່າຍ ທ່ານ ປອ ທອງຈັນ ມະນີໄຊ ລັດຖະມົນຕີກະຊວງພາຍໃນ ໄດ້ເຂົ້າຮ່ວມ ພິທີມອບ-ຮັບໜ້າທີ່ຫົວໜ້າຫ້ອງການກະຊວງພາຍໃນ ລະຫວ່າງ ທ່ານ ສິງທະວອນ ດາລາວົງ(ຫົວໜ້າຫ້ອງການ ຜູ້ເກົ່າ) ແລະ ທ່ານ ນ ວິໄລທອນ ສູນທອນໄຊມົງຄຸນ(ຫົວໜ້າຫ້ອງການ ຜູ້ໃໝ່) ໂດຍມີບັນດາທ່ານຮອງຫົວໜ້າຫ້ອງການ, ມີຕາງຄະນະກົມຈັດຕັ້ງ ແລະ ພະນັກງານ ແລະ ຕາງໜ້າຄະນະກົມກວດກາ ພ້ອມດ້ວຍພະນັກງານ-ລັດຖະກອນ ສັງກັດຫ້ອງການ ເຂົ້າຮ່ວມ.

Leave a Reply

Your email address will not be published. Required fields are marked *