ກອງປະຊຸມສ້າງແຜນການກຳນົດພະນັກງານນຳພາ-ຄຸ້ມຄອງ ຮອບທີ I ຂອງ ກົມກວດກາ ກະຊວງພາຍໃນ

ໃນວັນທີ 01 ກັນຍາ 2021 ກົມກວດກາ ກະຊວງພາຍໃນ ໄດ້ຈັດກອງ​ປະຊຸມສ້າງແຜນການກຳນົດພະນັກງານນຳພາ-ຄຸ້ມຄອງ ຮອບທີ I  ໂດຍການເປັນປະທານຂອງ ທ່ານ ປອ ທອງຈັນ ມະນີໄຊ ລັດຖະມົນຕີກະຊວງພາຍໃນ ເຂົ້າຮ່ວມມີ ຫົວໜ້າກົມຈັດຕັ້ງ ແລະ ພະນັກງານ, ຄະນະກົມກວດກາ ພ້ອມດ້ວຍ ພະນັກງານ-ລັດຖະກອນ ເຂົ້າຮ່ວມ.

ກອງປະຊຸມຄັ້ງນີ້, ທ່ານ ປອ ທ່ານ ປອ ທອງຈັນ ມະນີໄຊ ລັດຖະມົນຕີກະຊວງພາຍໃນ ໃຫ້ກຽດຂຶ້ນເຜີຍແຜ່ເຊື່ອມຊຶມມະຕິຂອງກົມການເມືອງສູນກາງພັກ ວ່າດ້ວຍ ວຽກງານສ້າງແຜນການກຳນົດພະນັກງານນຳພາ-ຄຸ້ມຄອງ ສະບັບເລກທີ 032/ກມສພ, ລົງວັນທີ 03 ມັງກອນ 2018, ເຊິ່ງທ່ານໄດ້ກ່າວວ່າການສ້າງແຜນກຳນົດພະນັກງານ ເປັນວຽກໜຶ່ງທີ່ສຳຄັນພື້ນຖານຂອງວຽກງານພະນັກງານ, ຮັບປະກັນຫັນວຽກງານພະນັກງານດຳເນີນຕາມລະບຽບແບບແຜນ ເພື່ອຕອບສະໜອງໜ້າທີ່ການເມືອງ ຂອງພັກ-ລັດ ໃນສະເພາະໜ້າ ແລະ ຍາວນານ, ເປັນການຫັນຍຸດທະສາດກ່ຽວກັບວຽກງານພະນັກງານເປັນອັນລະອຽດ , ສ້າງໂຄງການສັງລວມພື້ນຖານ ໃຫ້ແກ່ການສ້າງແຜນກໍ່ສ້າງ-ບຳລຸງ, ຄາດຄະເນສັບຊ້ອນ ແລະ ຈັດວາງພະນັກງານຢ່າງສົມເຫດສົມຜົນ.

ຈາກນັ້ນ, ທ່ານ ບຸນຍົງ ສີສຸພັນ ຫົວໜ້າກົມຈັດຕັ້ງ ແລະ ພະນັກງານ ກະຊວງພາຍໃນ  ໄດ້ຂຶ້ນເຜີຍແຜ່ມະຕິຂອງກົມການເມືອງສູນກາງພັກວ່າດ້ວຍມາດຕະຖານຂອງພະນັກງານນຳພາ-ຄຸ້ມຄອງ ສະບັບເລກທີ 030/ກມສພ, ລົງວັນທີ 03 ມັງກອນ 2018 ແລະ ແນະນຳວິທີລົງຄະແນນທາບທາມ.

ໃນຕອນທ້າຍກອງປະຊຸມ ຍັງໄດ້ມີການລົງຄະແນນປ່ອນບັດທາບທາມແຜນກຳນົດພະນັກງານນໍາພາ-ຄຸ້ມຄອງ ຮອບ 1 ເທື່ອທີ  1 ອີກດ້ວຍ.

Leave a Reply

Your email address will not be published. Required fields are marked *