ກະຊວງພາຍໃນ ໄດ້ຮັບຮູບພາບຂອງ ປະທານປະເທດ ແຫ່ງ ສປປ ລາວ

ກະຊວງພາຍໃນ ໄດ້ຈັດພິທີມອບ-ຮັບ ພາບແຕ້ມສີນໍ້າມັນຂອບສີຄໍາຂອງ ປະທານປະເທດ ແຫ່ງ ສປປ ລາວ ໃນວັນທີ 15 ກັັນຍາ 2021 ໂດຍການມອບຂອງ ທ່ານ ປຣະເສີດ ບັນຈົງພັກດີ ນັກອອກແບບ ອາຈານສອນວິຈິດສີນ ທີ່ສະຖາບັນວິຈິດສີນແຫ່ງຊາດ ທັງເປັນອາຈານສອນອອກແບບຜະລິດຕະພັນ ທີ່ຄະນະສະຖາປັດຕະຍະກໍາສາດ ມະຫາວິທະຍາໄລແຫ່ງຊາດ ແລະ ຮັບໂດຍ ທ່ານ ປອ ທອງຈັນ ມະນີໄຊ ລັດຖະມົນຕີກະຊວງພາຍໃນ.

ການມອບ-ຮັບ ພາບແຕ້ມສີນໍ້າມັນຄັ້ງນີ້ແມ່ນເພື່ອເປັນ​ການລະນຶກເຖິງຄຸນງາມຄວາມດີ ແລະ ນໍ້າໃຈເສຍສະຫຼະຮັກເຊື້ອແພງຊາດ ຂອງທ່ານຜູ້ນໍາທີ່ແສນເຄົາລົບຮັກຂອງປວງຊົນລາວທັງຊາດ ແລະ ເພື່ອໃຫ້ຄົນຮຸ້ນຫຼັງໄດ້ເຫັນຮູບພາບຂອງທ່ານປະທານປະເທດ ໃນຮູບແບບສີລະປະອັນອ່ອນຊ້ອຍ, ມີສະເໜ່ ແລະ ສະຫງ່າງາມ ກໍຄືຮູບພາບແຕ້ມສີນໍ້າມັນນີ້.

ຊຸດພາບແຕ້ມສີນໍ້າມັນໃສ່ຂອບຄໍາຂອງທ່ານປະທານປະເທດແຫ່ງ ສປປ ລາວ ປະກອບມີ 08 ຮູບພາບ ຂອງ ປະທານປະເທດແຕ່ອະດີດຈົນເຖິງປະຈຸບັນ ຄິດເປັນມູນຄ່າທັງໝົດ 8.000.000 ກີບ.

Leave a Reply

Your email address will not be published. Required fields are marked *