ແລກປ່ຽນບົດຮຽນວຽກງານການຈົດທະບຽນ ແລະ ສະຖິຕິພົນລະເມືອງ ລະຫວ່າງ 06 ປະເທດລຸ່ມແມ່ນໍ້າຂອງ-ແມ່ນໍ້າລ້ານຊ້າງ
ໃນຕອນເຊົ້າ ວັນທີ 12 ທັນວາ 2022 ກະຊວງພາຍໃນ ແຫ່ງ ສປປ ລາວ ໄດ້ຈັດກອງປະຊຸມສໍາມະນາແລກປ່ຽນບົດຮຽນວຽກງານການຈົດທະບຽນ ແລະ ສະຖິຕິພົນລະເມືອງ ລະຫວ່າງ 06 ປະເທດລຸ່ມແມ່ນໍ້າຂອງ ຂຶ້ນ ທີ່ໂຮງແຮມພູນແມນຫຼວງພະບາງ, ນະຄອນຫຼວງພະບາງ, ແຂວງຫຼວງພະບາງ ໂດຍການເປັນປະທານຂອງ ທ່ານ ປອ ທອງຈັນ ມະນີໄຊ ລັດຖະມົນຕີ ກະຊວງພາຍໃນ, ມີຜູ້ເຂົ້າຮ່ວມຈາກ 06 ປະເທດລຸ່ມແມ່ນໍ້າຂອງ-ແມ່ນໍ້າລ້ານຊ້າງເຂົ້າຮ່ວມປະກອບມີ: ຣາຊະອານາຈັກກໍາປູເຈຍ, ສາທາລະນະລັດ ປະຊາຊົນ ຈີນ, ສະຫະພາບມຽນມາ, ຣາຊະອານາຈັກໄທ, ສາທາລະນະລັດ ສັງຄົມນິຍົມ ຫວຽດນາມ, ກອງເລຂາແມ່ນໍ້າຂອງ-ແມ່ນໍ້າລ້ານຊ້າງ ແລະ ມີບັນດາ ຫົວໜ້າກົມ-ຮອງຫົວໜ້າກົມ ຂອງ ກະຊວງພາຍໃນ, ບັນດາກະຊວງທີ່ກ່ຽວຂ້ອງກັບວຽກງານຄຸ້ມຄອງພົນລະເມືອງ, ບັນດາຫົວໜ້າພະແນກ-ຮອງຫົວໜ້າພະແນກພາຍໃນແຂວງ, ບັນດາຫົວໜ້າ-ຮອງຫົວໜ້າຫ້ອງການພາຍໃນເມືອງ ໃນຂອບເຂດທົ່ວປະເທດ, ພະນັກງານວິຊາການກົມຄຸ້ມຄອງພົນລະເມືອງ, ພະນັກງານໂຄງການຈົດທະບຽນ ແລະ ສະຖິຕິພົນລະເມືອງ ລວມທັງໝົດ 300 ກວ່າທ່ານ.
![อาจเป็นรูปภาพของ 1 คน และ กำลังยืน](https://scontent.fvte2-2.fna.fbcdn.net/v/t39.30808-6/318585034_557955019675764_8613779419031999570_n.jpg?_nc_cat=100&ccb=1-7&_nc_sid=730e14&_nc_eui2=AeETYEWySWnZCxdEYgpd3WlmxMTCkO7ume3ExMKQ7u6Z7RiqFNlPRXu2cuqYw6ulB09X2mvVsVRKG0opc-4mHMEh&_nc_ohc=gQL0TtwxGIkAX8y67T8&_nc_ht=scontent.fvte2-2.fna&oh=00_AfBrlwOBVt6gomMfPWKywhRiNxbdzJnHujFcdMqyA_jiBw&oe=63C62A16)
ການຈັດກອງປະຊຸມຄັ້ງນີ້ ແມ່ນເພື່ອແລກປ່ຽນບົດຮຽນ ວຽກງານການຈົດທະບຽນ ແລະ ສະຖິຕິພົນລະເມືອງ ຮ່ວມກັນ ລະຫວ່າງ 06 ປະເທດລຸ່ມແມ່ນໍ້າຂອງ-ແມ່ນໍ້າລ້ານຊ້າງ ແລະ ເພື່ອສ້າງເງື່ອນໄຂໃຫ້ພະນັກງານທີ່ຮັບຜິດຊອບວຽກງານການຈົດທະບຽນ ແລະ ສະຖິຕິພົນລະເມືອງຂອງປະເທດສະມາຊິກແມ່ນໍ້າຂອງ ເວົ້າລວມ, ເວົ້າສະເພາະ ຂອງຂະແໜງການພາຍໃນ ແລະ ຂະແໜງການທີ່ກ່ຽວຂ້ອງຂອງ ສປປ ລາວ ທັງຢູ່ຂັ້ນສູນກາງ ແລະ ທ້ອງຖິ່ນ ໄດ້ມີໂອກາດຍົກລະດັບຄວາມຮູ້, ຄວາມສາມາດ ແລະ ປະສົບການຕົວຈິງໃນວຽກງານດັ່ງກ່າວ ຂອງບັນດາປະເທດໃນພາກພື້ນ. ໂດຍຕາງໜ້າຜູ້ເຂົ້າຮ່ວມຈາກບັນດາປະເທດຈະໄດ້ຜັດປ່ຽນກັນຂຶ້ນນໍາສະເໜີ ກ່ຽວກັບວຽກງານການຈົດທະບຽນ ແລະ ການເກັບກໍາສະຖິຕິພົນລະເມືອງ, ພາຍຫຼັງສໍາເລັດການນໍາ ສະເໜີບົດຮຽນຂອງແຕ່ລະປະເທດແລ້ວ ຜູ້ເຂົ້າຮ່ວມທັງພາຍໃນ ແລະ ຕ່າງປະເທດ ຈະໄດ້ມີການສົນທະນາແລກປ່ຽນບົດຮຽນເຊິ່ງກັນ ແລະ ກັນ ກ່ຽວກັບ ແຕ່ລະຫົວຂໍ້ທີ່ໄດ້ຮັບຟັງການນໍາສະເໜີຮ່ວມກັນ.
![อาจเป็นรูปภาพของ 2 คน และ ผู้คนกำลังยืน](https://scontent.fvte2-2.fna.fbcdn.net/v/t39.30808-6/318576282_557955076342425_718263608127538883_n.jpg?_nc_cat=100&ccb=1-7&_nc_sid=730e14&_nc_eui2=AeGkSuMuxPypV93nWKric7YrHHFkvuP1WYUccWS-4_VZhfbPuXVbvJ4jH7WAasIhW9q_nb24jLqreSEbUL6ZiLOg&_nc_ohc=ewLL56vPemsAX9-HSlY&_nc_oc=AQmm9WzPeuKDgLp2RJju09rtCXf24arzyvvTybtFbgvDTOmONueOz4EjkCSAK-rYRFE&_nc_ht=scontent.fvte2-2.fna&oh=00_AfAakEJSDexZU_pZoFuXayw8tYxe941nin8z5rtR2WFgUQ&oe=63C52540)
ທ່ານ ປອ ທອງຈັນ ມະນີໄຊ ລັດຖະມົນຕີກະຊວງພາຍໃນ ໄດ້ກ່າວເປີດກອງປະຊຸມບາງຕອນວ່າ: ກອງປະຊຸມຄັ້ງນີ້ ເປັນການສໍາມະນາແລກປ່ຽນບົດຮຽນວຽກງານການຈົດທະບຽນ ແລະ ສະຖິຕິພົນລະເມືອງ ລະຫວ່າງ 06 ປະເທດລຸ່ມແມ່ນໍ້າຂອງ-ແມ່ນໍ້າລ້ານຊ້າງ ສ້າງໂອກາດໃຫ້ບັນດາກົມ, ພະແນກພາຍໃນແຂວງ, ຫ້ອງການພາຍໃນເມືອງ ແລະ ວິຊາການຂອງລາວ ທັງສູນກາງ ແລະ ທ້ອງຖິ່ນ ໄດ້ຖອດຖອນບົດຮຽນ ກ່ຽວກັບວຽກງານການຈົດທະບຽນ ແລະ ການເກັບກໍາສະຖິຕິພົນລະເມືອງ ເພື່ອນໍາເອົາບົດຮຽນໄປຈັດຕັ້ງຜັນຂະຫຍາຍປັບປຸງໃນວຽກງານການຈົດທະບຽນ ແລະ ສະຖິຕິພົນລະເມືອງ ຕາມພາລະບົດບາດ ແລະ ຄວາມຮັບຜິດຊອບຂອງຕົນ ໃຫ້ໄດ້ມາດຕະຖານສາກົນ ແລະ ທັນສະໄໝ ສາມາດຮັບປະກັນໄດ້ຂໍ້ມູນທີ່ມີຄຸນນະພາບ ສະໜອງ ແລະ ນໍາໃຊ້ເຂົ້າໃນການວາງແຜນພັດທະນາເສດຖະກິດ-ສັງຄົມ ຢ່າງມີປະສິດທິພາບ ແລະ ປະສິດທິຜົນ.
![อาจเป็นรูปภาพของ หนึ่งคนขึ้นไป, ผู้คนกำลังยืน และ สถานที่ในร่ม](https://scontent.fvte2-2.fna.fbcdn.net/v/t39.30808-6/318326945_557954959675770_9037534366310556200_n.jpg?_nc_cat=101&ccb=1-7&_nc_sid=730e14&_nc_eui2=AeG7xbv0_2YdoOI46YRL7AJXYTPV9KX9v5thM9X0pf2_m5Kav80fy_IgEWDc_pUM5V_vS95-gnIHy78iCuBcvsLw&_nc_ohc=TJFjB50Ue20AX_Z62-n&tn=T-Ga8g-8RUfQa4eL&_nc_ht=scontent.fvte2-2.fna&oh=00_AfAr5ujiLsLiYL1Yxhr4JNX8uvZaNLTGD7i3gZw3qKATmg&oe=63C6209E)
ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ສ້າງຕັ້ງຂຶ້ນ ໃນວັນທີ 23 ມີນາ 2016, ຊຶ່ງປະກອບມີປະເທດສະມາຊິກຄື: ຣາດຊະອານາຈັກກໍາປູເຈຍ, ສາທາລະນະລັດ ປະຊາຊົນ ຈີນ, ສະຫະພາບມຽນມາ, ຣາຊອານາຈັກໄທ, ສາທາລະນະລັດ ສັງຄົມນິຍົມ ຫວຽດນາມ ເພື່ອສືບຕໍ່ຮັກສາສັນຕິພາບ ແລະ ສະຖຽນລະພາບ, ພັດທະນາການເປັນປະເທດເພື່ອນບ້ານທີ່ດີ, ດໍາເນີນການຮ່ວມມືຢ່າງເປັນຮູບປະທໍາ ແລະ ສົ່ງເສີມການພັດທະນາແບບຍືນຍົງ ໃຫ້ມີຜົນປະໂຫຍດຮ່ວມກັນ ແລະ ສ່ອງແສງໃຫ້ເຫັນຄວາມມຸ່ງມາດປາດຖະນາຂອງບັນດາປະເທດໃນອະນຸພາກພື້ນ. ໂດຍມີກົນໄກການຮ່ວມມືໃນ 3 ເສົ້າຄໍ້າ ປະກອບມີ: ການເມືອງ-ຄວາມໝັ້ນຄົງ, ການພັດທະນາເສດຖະກິດ, ສັງຄົມ-ວັດທະນະທໍາ ແລະ ການໄປມາຫາສູ່ຂອງປະຊາຊົນ ໃນພາກພື້ນແມ່ນໍ້າຂອງ.
ສໍາລັບການດໍາເນີນຈັດກອງປະຊຸມສໍາມະນາການແລກປ່ຽນບົດຮຽນວຽກງານການຈົດທະບຽນ ແລະ ສະຖິຕິພົນລະເມືອງ ລະຫວ່າງ ປະເທດສະມາຊິກແມ່ນໍ້າຂອງ-ແມ່ນໍ້າລ້ານຊ້າງ ແມ່ນໄດ້ຮັບທຶນສະໜັບສະໜູນຈາກ ລັດຖະບານ ສປ ຈີນ ພາຍໃຕ້ກອງທຶນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ໃນປີ 2017, ໃນຫົວຂໍ້ “ ໂຄງການຝຶກອົບຮົມວຽກງານການຈົດທະບຽນ ແລະ ສະຖິຕິພົນລະເມືອງ ລະຫວ່າງ 06 ປະເທດລຸ່ມແມ່ນໍ້າຂອງ ” ປະກອບມີ 03 ກິດຈະກໍາ ໄລຍະເວລາຈັດຕັ້ງປະຕິບັດ 03 ປີ (2018-2020). ການຈັດກອງປະຊຸມຄັ້ງນີ້ ແມ່ນກິດຈະກໍາທີ 03 ສໍາລັບ ປີ 2022 ທີ່ ກະຊວງພາຍໃນ ສປປ ລາວ ໄດ້ເປັນເຈົ້າພາບ, ຜ່ານມາໄດ້ຈັດຕັ້ງປະຕິບັດກິດຈະກໍາທີ 01 ຢູ່ ແຂວງຫຼວງພະບາງ ໃນປີ 2018 ແລະ 02 ຢູ່ແຂວງຈໍາປາສັກ ໃນປີ 2019 ຍ້ອນການແຜ່ລະບາດຂອງພະຍາດໂຄວິດ 19 ເລີ່ມລະບາດໃນປີ 2020 ເປັນຕົ້ນມາ ເຮັດໃຫ້ແຜນການຈັດຕັ້ງປະຕິບັດກິດຈະກໍາໄດ້ເລື່ອນມາຈັດຕັ້ງປະຕິບັດໃນປີນີ້.
![อาจเป็นรูปภาพของ 8 คน และ ผู้คนกำลังยืน](https://scontent.fvte2-3.fna.fbcdn.net/v/t39.30808-6/319816311_557954943009105_5866362984326379351_n.jpg?_nc_cat=106&ccb=1-7&_nc_sid=730e14&_nc_eui2=AeFBvonLIsJIyLvlMT4vnEhXPDwy2JWS9ow8PDLYlZL2jOXEwpmXXal4mZjBMEimx8j_W1RodcQvVCwcWXZ2CMx5&_nc_ohc=oan6iqseUegAX9IfMKu&_nc_ht=scontent.fvte2-3.fna&oh=00_AfA3A3YXaENBr1xIWcT384MSSM5zx9rsBxLE0WBVc1QOhQ&oe=63C61890)
ສໍາລັບ ສປປ ລາວ ວຽກງານການຈົດທະບຽນ ແລະ ສະຖິຕິພົນລະເມືອງ ເພື່ອເປັນການປະກອບສ່ວນເຮັດໃຫ້ມະຕິກອງປະຊຸມໃຫຍ່ ຄັ້ງທີ X ແລະ XI ຂອງພັກ ທີ່ໄດ້ກໍານົດຮອດປີ 2030 ສິດທິຂອງພົນລະເມືອງຕ້ອງຮັບປະກັນດ້ວຍການຄຸ້ມຄອງລັດຕາມກົດໝາຍທີ່ສັກສິດ, ຄາດໝາຍສູ້ຊົນ ຮອດປີ 2025 “ພົນລະເມືອງລາວໃນເກນອາຍຸ ໄດ້ສໍາເລັດການສຶກສາຂັ້ນມັດທະຍົມຕົ້ນ, ປະຊາຊົນ ໄດ້ຮັບການບໍລິການດ້ານສາທາລະນະສຸກທີ່ມີຄຸນນະພາບຢ່າງທົ່ວເຖິງ ແລະ ມີອາຍຸຍືນສະເລ່ຍສູງກວ່າ 73 ປີ, ກໍາລັງແຮງງານ ໄດ້ຮັບການພັດທະນາທັງທາງດ້ານປະລິມານ ແລະ ຄຸນນະພາບ…”, ປະຕິບັດຕາມແຜນພັດທະນາເສດຖະກິດ-ສັງຄົມ ແຕ່ປີ 2016-2025 ພົນລະ ເມືອງລາວ ຕ້ອງໄດ້ເຂົ້າເຖິງການບໍລິການດ້ານສຸຂະພາບ ແລະ ການສຶກສາ, ຍຸດທະສາດວຽກງານຈົດທະບຽນ ແລະ ສະຖິຕິພົນລະເມືອງ ກໍ່ຄື ວິໄສທັດຮອດປີ 2030 ພົນລະເມືອງລາວທຸກຄົນຈະໄດ້ຊົມໃຊ້ການບໍລິການການຈົດທະບຽນ, ການປົກຄອງທີ່ດີ ແລະ ການພັດທະນາ. ທັງເປັນການສູ້ຊົນໃຫ້ບັນລຸເປົ້າໝາຍການພັດທະນາທີ່ຍືນຍົງ (SDGs), ສົນທິສັນຍາວ່າດ້ວຍສິດທິເດັກ, ສິດທິມະນຸດ ແລະ ປະຕິບັດຕາມຖະແຫຼງການພາກພື້ນອາຊີ-ປາຊີຟິກ ທີ່ບັນດາຜູ້ນໍາໄດ້ຮັບຮອງຮ່ວມກັນ ໃນປີ 2024 ພົນລະເມືອງ ແລະ ເດັກເກີດໃໝ່ ຈະຕ້ອງໄດ້ຮັບການຈົດທະບຽນ ແລະ ມີໃບຢັ້ງຢືນການເກີດຢ່າງໜ້ອຍໃຫ້ໄດ້ 70%, ພ້ອມທັງຮັບປະກັນໃຫ້ພົນລະເມືອງລາວທຸກຄົນໄດ້ເຂົ້າເຖິງການບໍລິການຢ່າງທົ່ວເຖິງ.
![อาจเป็นรูปภาพของ 7 คน และ ผู้คนกำลังยืน](https://scontent.fvte2-3.fna.fbcdn.net/v/t39.30808-6/318137787_557955016342431_8824031427982073264_n.jpg?_nc_cat=109&ccb=1-7&_nc_sid=730e14&_nc_eui2=AeFqldoXtOpHdzfPr1L15XdcNK2j2HGntkc0raPYcae2R8FAEkVWVYRCVv2j85ggHRQjHs_9eVP9-tzq_qELl4XK&_nc_ohc=FZpFxwf6tBMAX-U8XwX&_nc_ht=scontent.fvte2-3.fna&oh=00_AfCWjD8beNXQ5_W4BwWv8pQYI5w_QSWQWW3UncZl_oqg0Q&oe=63C6597F)