03 ອົງການຈັດຕັ້ງມະຫາຊົນ ກະຊວງພາຍໃນ ຢ້ຽມຊົມພິພິທະພັນ ໄກສອນ ພົມວິຫານ

ເນື່ອງໃນໂອກາດ ວັນຊາດທີ 02 ທັນວາ ຄົບຮອບ 49 ປີ ແລະ ວັນເກີດ ປະທານ ໄກສອນ ພົມວິຫານ ຄົບຮອບ 104 ປີ ຕອນບ່າຍວັນຈັນ ທີ 16 ທັນວາ 2024 ນີ້ 03 ອົງການຈັດຕັ້ງມະຫາຊົນ ຂອງກະຊວງພາຍໃນ ນຳພາໂດຍ ທ່ານ ປອ ຄຳນຸສອນ ສູນວິເລີດ ຮອງຫົວໜ້າກົມຈັດຕັ້ງ ກະຊວງພາຍໃນ ໄດ້ນໍາພາພະນັກງານ ເຂົ້າວາງກະຕ່າດອກໄມ້ຢູ່ຕໍ່ໜ້າຮູບຫຼໍ່ປະທານ ໄກສອນ ພົມວິຫານ ທີ່ ຫໍພິພິທະພັນ ໄກສອນ ພົມວິຫານ ເພື່ອສະແດງຄວາມເຄົາລົບຮັກ, ກະຕັນຍູຮູ້ບຸນຄຸນຕໍ່ປະທານ ໄກສອນ ພົມວິຫານ ຜູ້ນຳທີ່ດີເດັ່ນ ແລະ ເຄົາລົບຮັກຂອງພັກ- ລັດ ແລະ ປວງຊົນລາວທັງຊາດ.

ຫຼັງຈາກເສັດພິທີວາງກະຕ່າດອກໄມ້ແລ້ວ ທ່ານ ປອ ຄຳນຸສອນ ສູນວິເລີດ ຮອງຫົວໜ້າກົມຈັດຕັ້ງ ກະຊວງພາຍໃນ ຍັງໄດ້ຂຶ້ນຢ້ຽມຊົມການຈັດວາງສະແດງ ຮູບພາບກ່ຽວກັບຊີວິດ ແລະ ພາລະກິດປະຕິວັດ ຂອງປະທານ ໄກສອນ ພົມວິຫານ.